Hewlêr (Rûdaw) - Li navçeya Bandirmayê ya parêzgeha Balikesîrê ya Tirkiyeyê otobuseke rêwiyan ji rê derket û wergeriya.
Di qezayê de 3 kes mirin û 30 kes jî birîndar bûn.
Otobusa rêwiyan a şirketa Pamukkaleyê ku ji Tekîrdagê ber bi Muglayê ve diçû, li navçeya Bandirmayê wergeriya.
Di qezayê de rêwiyên bi navên Nazîre Akova, Elîf Kel û Kemal Can Sert mirin û 30 kes jî birîndar bûn.
Piştî agahdarkirinê, tîmên tenduristiyê, tîmên parastina sivîlan û polîs çûn cihê bûyerê.
Tîmên tenduristiyê birîndar veguhastin nexweşxaneyên cuda.
Hat ragihandin ku rewşa tenduristiyê ya birîndaran baş e û metirsî li ser wan nîne.
Termên her sê kesan sewqî morga Nexweşxaneya Perwerde û Lêkolînê ya Bandirmayê hatin kirin.
Hêzên ewlehiyê şofêrê otobusê yê bi navê K.U. desteser kir.
#WÊNE - Li navçeya Bandirmayê ya Balikesîrê otobusa rêwiyan qulibî
— RudawKurdi (@RudawKurdi) May 1, 2026
🚨 Di qezayê de 3 kes mirin û 22 kes jî birîndar bûn pic.twitter.com/1QMhn3EdUE
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse