کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Recep Tayyîp Erdogan / Wêne: Arşîv

Recep Tayyîp Erdogan / Wêne: Arşîv

TIRKIYE

Erdogan: Me ji bo parastina welêt hemû tedbîr standine

RÛDAW

RÛDAW

03-03-2026
Guhdarî bike
0:00
0:00
Mezinahiya Nivîsê
RÛDAW
RÛDAW03-03-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Serokkomarê Tirkiyeyê Recep Tayyîp Erdogan ragihand ku aloziya li Rojhilata Navîn her ku diçe belav dibe û got, "Bi teşwîqên lobiya Siyonîst operasyona asmanî li dijî Îranê hat kirin."

Erdogan diyar kir ku wan ji bo parastina Tirkiyeyê gavên pêwîst avêtine û got, "Ji bo ku em welat û miletê xwe ji van metirsiyan dûr bigirin me hemû tevdîrên pêwîst standin û em distînin."

Serokkomarê Tirkiyeyê Recep Tayyîp Erdogan li Enqereyê di merasîmekê de axivî û cih da şer û aloziyên herêmê.

“Pêla aloziyê belav dibe”

Erdogan bal kişand ser pevçûn û krîzên mirovî yên herêmê û got, "Mixabin pêla aloziyê ya li herêma me roj bi roj meyla belavbûnê nîşan dide."

Erdogan amaje bi êrişên Amerîka û Îsraîlê yên li Îranê kir û got:

"Operasyona asmanî ya ku bi teşwîqên lobiya Siyonîst li dijî Îranê hat kirin li van zêde bû. Bi teşwîqa Siyonîst êrişî Îranê hat kirin."

Erdogan destnîşan kir ku êrişên mûşekî û dronên kamîkaze yên li ser welatên Kendavê bêîstîkrariyê kûrtir dikin û li xalên cuda yên Rojhilata Navîn "xwîn û rondik" didomin.

“Tirkiye dîplomasiya aştiyê dimeşîne”

Erdogan da zanîn ku Tirkiye bipêşketinên li herêmê ji nêzîk ve dişopîne û got:

"Dema ku li çar aliyên cografyaya me ev bûyer diqewimin, em wekî Tirkiye xebatên xwe yên li ser aştî, aramî û îstîkrarê bi biryardarî didomînin."

Erdogan anî zimên ku ew ji bo çareserkirina pirsgirêkan bi rêya diyalog û dan û standinan li ser maseyê dîplomasiyeke xurt dimeşînin û wiha pê de çû:

"Beriya ku xwîna zêdetir bê rijandin û agir zêdetir belav bibe, me hemû derfetên xwe seferber kirine da ku herêma me ji vê cenderê rizgar bibe."

“Hemû tevdîrên pêwîst hatine standin”

Erdogan tekez kir ku gavên têkildarî ewlehiya Tirkiyeyê jî hatine avêtin.

Erdogan got, "Ji bo ku em welat û miletê xwe ji van metirsiyan dûr bigirin me hemû tevdîrên pêwîst standin û em distînin."

Erdogan hûrgilî nedan lê diyar kir ku amadekariyên wan ên di warê dîplomatîk, leşkerî û ewlehiyê de didomin.

Pirsgirêka Kurdan û peyama “yekîtiyê”

Erdogan di axaftina xwe de tekezî li ser "parvekirina heman paşerojê, jiyana li heman welatî û pêşeroja hevpar" kir.

Erdogan got ku ew bi têgihiştina "Mirov bide jiyandin da ku dewlet bijî" tevdigerin.

Erdogan peyama yekîtiya civakî û piştgiriyê da û bal kişand ser girîngiya gihîştina nasname û beşên cuda li dora pêşerojeke hevpar.

Erdogan diyar kir ku esasê Tirkiyeyê xurtkirina yekîtî û bihevrebûna di eniya navxweyî de ye û parastina îstîqrara navxweyî li hemberî krîzên herêmî heyatî ye.

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên