Hewlêr (Rûdaw) - Li navçeya Foçayê ya parêzgeha Îzmîrê li nav Deryaya Egeyê, belemeke koçberan bin av bû û koçberek mir.
Fermandariya Ewlehiya Beravan a Tirkiyeyê şeva borî ragihand ku li sînorên navçeya Foçayê li nav Deryaya Egeyê belemeke plastîk bin av bûye.
Li ser daxwaza alîkariya lezgîn, keştiyeke Ewlehiya Beravan, 4 belemên Ewlehiya Beravan û helîkopterek ji bo cihê bûyerê hatin şandin.
Tîmên alîkariyê 39 koçber ji nav belema ku bin av dibû û 4 koçber jî ji nav avê rizgar kirin.
Koçberekî ku kete nav deryayê canê xwe ji dest da û termê wî jî ji nav avê hat derxistin.
Di çarçoveya bûyerê de qaçaxçiyekî koçberan jî hat desteserkirin û ew birin Fermandariya Cendirmeyan.
Koçberên ku hatine rizgarkirin piştî karên fermî radestî Birêvebiriya Koçê ya Îzmîrê hatin kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse