Nêçîrvan Barzanî û Eymen Sefedî: Divê em rê li ber berfirehbûna aloziyan bigirin

Hewlêr (Rûdaw) - Serokatiya Herêma Kurdistanê ragihand ku Serokê Herêma Kurdistanê Nêçîrvan Barzanî di çarçoveya Foruma Dîplomasiyê ya Antalyayê de bi Cîgirê Serokwezîr û Wezîrê Karên Derve yê Urdinê Eymen Sefedî re civiya.

Di civînê de pêwendiyên dîrokî yên Herêma Kurdistanê û Îraqê yên li gel Urdinê û bipêşketina zêdetir a hevkariya wan hatin nîqaşkirin.

Nêçîrvan Barzanî spasiya piştgiriya berdewam a Urdinê ya ji bo Îraq û Herêma Kurdistanê kir.

Mijareke din a hevdîtinê pêşhatên dawî yên rewşa herêmê û encamên şer û aloziyan bû.

Her du alî li ser pêwîstiya xebata bi hev re û hevkariya ji bo parastina aştî û aramiyê hevnêrîn bûn.

Her wiha li gorî daxuyaniya Serokatiya Herêma Kurdistanê, teqezî li ser rêlibergirtina berfirehbûna aloziyên li herêmê hat kirin.

#VÎDEO - Civîna Nêçîrvan Barzanî û Eymen Sefedî ya li Antalyayê

🤝 Serokê Herêma Kurdistanê Nêçîrvan Barzanî û Cîgirê Serokwezîr û Wezîrê Karên Derve yê Urdinê Eymen Sefedî di çarçoveya Foruma Dîplomasiyê ya Antalyayê de li hev civiyan#AntalyaDiplomacyForum #Jordan #Kurdistan pic.twitter.com/RpTuKcewqG

— RudawKurdi (@RudawKurdi) April 17, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger