Hewlêr (Rûdaw) - Li navçeya Sancaktepeyê ya Stenbolê otobusa rêwiyan wergeriya û di encamê de 3 kes mirin û 20 kes jî birîndar bûn.
Otobusa rêwiyan a ku ji Tokatê ber bi Tekîrdagê ve diçû, li ser Otobana Marmarayê ya Bakur li bariyerên kêleka rê qelibî û wergeriya.
Li gorî agahiyên destpêkê, di vê qezayê de 3 kes mirin û 20 kes jî birîndar bûn.
Li ser agahdarkirinê tîmên tenduristiyê û hêzên ewlehiyê çûn cihê bûyerê.
Tîmên tenduristiyê birîndar veguhastin nexweşxaneyên cuda yên li Stenbolê.
Parêzgariya Stenbolê ragihand ku bûyer demjimêr 06:15an qewimiye û di otobûsê de 35 rêwî hebûne.
Li hêla din, derbarê bûyerê dest bi lêpirsînê hatiye kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse