Li Enqerê operasyon: 10 kes bi tohmeta PKK/YPGê hatin desteserkirin

Hewlêr (Rûdaw) - Li paytexta Tirkiyê bajarê Enqerê 10 kesên biyanî bi îdiaya ku peywendiyên wan bi PKK/KCK-PYD/YPGê re hene, hatin desteserkirin.

Li gor medyaya fermî ya Tirkiyê, îro 19 Tîrmeha 2023an Rêveberiya Şaxa Îstixbarat û Tekoşîna Dijî Terorê ya Rêveberiya Ewlehiya Enqerê ji bo 14 kesên biyanî yên ku tê îdiakirin têkiliya wan rêxistinên PKK/KCK-PYD/YPGê hene û di salên derbasbûyî de ji wan re kar kirine derbarê 14 kesan de oparsyonek dane destpêkirin.

Di operasyonê de 10 kesên biyanî hatin desteserkirin, ji bo girtina 4 kesan jî xebat berdewam dikin.

Hatiye ragihandin ku kesên desteserkirî piştî karûbarên yasayî û lêpirsinê, bi armanca dersînorkirinê dê radestî Navenda Koçê ya Enqerê bên kirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger