کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Civînek hat lidarxistin / Wêne: AA

Civînek hat lidarxistin / Wêne: AA

TIRKIYE

Li Enqereyê xwenîşandana karkerên madenê bi dawî bû

RÛDAW

RÛDAW

28-04-2026
Guhdarî bike
0:00
0:00
Mezinahiya Nivîsê
RÛDAW
RÛDAW28-04-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Wezareta Karên Navxwe ya Tirkiyeyê ragihand ku xwenîşandana karkerên madenê ya ku ev demeke li Enqereyê dihatin kirin bi dawî bû û aliyên karker û kardêran li hev kir.

Li Wezareta Karên Navxwe ya Tirkiyeyê ji bo nirxandina xwenîşandanên karkerên madenê yên li Enqereyê, di navbera nûnerên karker û kardêran de civînek hat lidarxistin.

Civîn di bin serokatiya Alîkarê Wezîrê Karên Navxwe yê Tirkiyeyê Alî Çelîk de hat lidarxistin.

Alîkarê Wezîrê Kar û Ewlehiya Civakî yê Tirkiyeyê Faruk Ozçelîk, Alîkarê Wezîrê Enerjî û Çavkaniyên Xwezayî yê Tirkiyeyê Abdullah Tancan, Birêvebirê Giştî yê Ewlehiyê Mahmut Demîrtaş, Birêvebirê Ewlehiyê ya Enqereyê Engîn Dînç, Alîkarê Parêzgarê Enqereyê Gursoy Osman Bîlgîn û Serokê Daîreya Ewlehiyê ya Birêvebiriya Giştî ya Ewlehiyê Emrullah Golcuk beşdarî civînê bûn.

Her wiha Serokê Giştî yê Sendîkaya Maden-Îşê ya Serbixwe Gokay Çakir, berpirsê sendîkayê Başaran Aksu, karkerên madenê Sînan Koçak û Ozcan Gultekîn û xwediyê Şirketa Doruk Madencîlîkê Sebahattîn Yildiz jî di civînê de amade bûn.

Di civîna ku nêzîkî saet û nîvekê berdewam kir de, ji bo bidawîanîna grev û xwenîşandanan li ser zemîna lihevkirinê dan û standin hatin kirin.

Wezareta Karên Navxwe ya Tirkiyeyê ragihand ku civîn bi lihevkirina aliyan bi dawî bûye û karkeran eşkere kiriye ku wan bi kardêr re li hev kiriye û xwenîşandanên xwe bi dawî kirine.

Meaşên karkeran hatin razandin

Li aliyê din, hat zanîn ku bi hewlên Wezîrê Karên Navxwe yê Tirkiyeyê Mustafa Çîftçî, ji aliyê kardêr ve 96 milyon û 340 hezar lîre li hesabên karkeran hatiye razandin.

Serokê Giştî yê Sendîkaya Maden-Îşê ya Serbixwe Gokay Çakir li ber avahiya Wezareta Karên Navxwe daxuyaniyek da û destnîşan kir ku civîn erênî derbas bûye.

Gokay Çakir li ser encamên civînê wiha axivî:

"Meaşên piraniya hevalên me hatin razandin.

Ji bo mayîna mafan 15 roj wext ji me xwestin.

Wezareta Kar û Ewlehiya Civakî, Wezareta Enerjî û Çavkaniyên Xwezayî, Wezareta Karên Navxwe û Birêvebirê Ewlehiyê ya Enqereyê bûn garantor.

Me jî ji vê saetê pê ve xwenîşandanên xwe bi dawî kirin.

Hevalên ku dixwazin ji kar derkevin û mafê wan ê tezmînatê heye, dê hemû mafên wan di nava 15 rojan de werin dayîn, şirketê soza vê yekê da.

Lê hevalên ku dixwazin bixebitin dê nikaribin ji van mafan sûdê wergirin, ew dê tenê meaşên xwe bistînin.

Lê eger karkerek bi kardêr re li hev bike û bibêje, ez dê dest ji kar berdim, wê demê tezmînata her kesî dê di nava 15 rojan de were dayîn. Em dê nehêlin ku karkerên me bibe qurbanî."

#WÊNE - Çalakiya karkerên madenê yên ku 9 roj in li Enqereyê di greva birçîbûnê de bi dawî hat

🤝 Birêvebirên sendîkayê li Wezareta Karên Navxwe ya Tirkiyeyê daxwazên karkeran gihandin Wezîr Mustafa Çîftçî

📢 Karkerên madenê piştî hevdîtinê biryar da ku çalakiya xwe bi dawî… pic.twitter.com/yzvRbertMj

— RudawKurdi (@RudawKurdi) April 28, 2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên