Hewlêr (Rûdaw) - Di Lîga Şampiyonan a UEFAyê de qonaxa 36 tîman ku cara ewil e wekî lîgê tê ceribandin bi pêşbirkên hefteya 8emîn temam bû.
Şeva borî 18 lîstik hebûn, gelek tîm bi dilekî xweş ber bi malên xwe ve vegeriyan lê xeyalên gelek tîman jî nivco man.
Piştî ku qonaxa lîgê bi dawî bû, Liverpool, Barcelona, Arsenal, Inter, Atletico Madrid, Bayer Leverkusen, Lille û Aston Villa ku di rêzên ewil ên 8an de cih girt, rasterast derbasî qonaxa dawî ya 16an bûn.
Her wiha Atalanta, Borussia Dortmund, Real Madrid, Bayern Munchen, Milan, PSV, Paris Saint-Germain, Benfica, Monaco, Brest, Feyenoord, Juventus, Celtic, Manchester City, Sporting Lizbon û Club Brugge ku di lîgê de di rêzên navbera 9-24an de cîh girt derketin Play-Offê
16 tîmên ku dê di play-offê de bên hemberî hev dê bi rêbaza du maçan hewl bidin ku bikevin nav 16 tîmên dawiyê.
Play-Off
Pişka qonaxa Play-Offê ya Lîga Şampiyonan dê sibe li Nyona Swîsreyê bê avêtin.
Maçên Play-Offê dê di navbera 13-20ê Sibatê de bên lîstin
Qonaxa dawî ya 16an: 6-13ê Adara 2025an
Çaryekên fînalê: 10-17ê Nîsana 2025an
Nîv Fînal: 1-8ê Gulana 2025an
Fînal: 21ê Gulana 2025an
Liverpool bû yekem
Tîma Îngilîz Liverpool di dawiya 8 hefteyan de di Lîga Şampiyonan de bû yekem.
Tîma ku herî zêde gol avêtin bi 28 golan bû Barcelona.
Tîma ku herî kêm gol xwarine jî bi golekê bû Inter.
Young Boys û Slavan Bratislavayê jî di Lîga Şampiyonan de qet pûan nesitandin.
12 tîman jî ji Lîga Şampiyonan xatir xwest
Dinamo Zagreb, Stuttgart, Shakhtar Donetsk, Bologna, Crvena Zvezda, Sturm Graz, Sparta Prag, Leipzig, Girona û Salzburg di encama 8 maçan de nikaribûn dervekin qonaxa 16an.
Encamên hefteya dawî ya Lîga Şampiyonan wiha ne:
Sporting (Portugal) - Bologna (Îtalya): 1 - 1
PSV (Holenda) - Liverpool (Îngilistan): 3 - 2
Young Boys (Swîsre) - Crvena Zvezda (Sirbistan): 0 - 1
Stuttgart (Almanya) - Paris Saint-Germain (Fransa): 1 - 4
Sturm Graz (Awisturya) - Leipzig (Almanya): 1 - 0
Manchester City (Îngilistan) - Club Brugge (Belçîka): 3 - 1
Bayern Munchen (Almanya) - Slovan Bratislava (Slovakya): 3 - 1
Inter (Îtalya) - Monaco (Fransa): 3 - 0
Borussia Dortmund (Almanya) - Shakhtar Donetsk (Ukrayna): 3 - 1
Barcelona (Spanya) - Atalanta (Îtalya): 2 - 2
Bayer Leverkusen (Almanya) - Sparta Prag (Çekya): 2 - 0
Juventus (Îtalya) - Benfica (Portugal): 0 - 2
Dinamo Zagreb (Xirvatistan) - Milan (Îtalya): 2 - 1
Salzburg (Awisturya) - Atletico Madrid (Spanya): 1 - 4
Lille (Fransa) - Feyenoord (Holenda): 6 - 1
Aston Villa (Îngilistan) - Celtic (Skotland): 4 - 2
Girona (Spanya) - Arsenal (Îngilistan): 1-2
Brest (Fransa) - Real Madrid (Spanya): 0-3
