پێشنیاز بۆ یۆنان دەکرێت ئاڵتوونەکانی بفرۆشێت

 رووداو- هەولێر

تیمێکی لێکۆڵینەوەی کەنەدی پێشنیازێک دەخاتەڕوو بۆ چارەسەركردنی قەیرانی قەرزەکانی یۆنان.
 
بەپێی لێکۆڵینەوەیەک کە لە گۆڤاری لایڤ سایەنس "Live Science دا بڵاوکراوەتەوە، لەژێر شوێنەوارە مێژوییەکانی یۆناندا بڕێکی زۆر زێڕ و زیو و خشڵی گرانبەها هەیە کە دەکرێت لە دانەوەی بەشێکی قەرزەکانی یۆناندا بەکاربهێندرێن.
 
تیمەکە پێیوایە لەژێر ئەکرۆپۆلیسدا کە یەکێکە لە دێرینترین شوێنەوارەکانی یۆنان، بڕی ئەوەندە سکە و خشڵی گرانبەها هەیە کە باری ئابووری یۆنان سووک بکات.
 
لێکۆڵەرەکان ئەوەشیان گوتووە کە بەشێکی زۆری پارەکانی یۆنانی کۆن ئاڵتوون و زیو بوون و بڕی سکە ئاڵتوونەکەشیان بە 3 هەزار دانە خەمڵاندووە. وڵاتی یۆنان 323 ملیار قەرزارە و  لە مایەپووچبوونی ئابووری نزیکبووەتەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger