رووداو - ئاژانسەکان
سەرکردەکانی G20 لە میانی کۆبوونەوەیان لە بۆینس ئایرسی ئەرژەنتین، چێژ لە خواردنە بەنێوبانگەکانی ئەو وڵاتە دەبینن، کە پارچە گۆشتی مانگا و پەراسووی مەڕ و ساندویچی سۆسج بەشێکن لەو خواردنانە.
لەکاتێکدا ئەرژەنتین گۆشت هەناردەی چین و ئەمریکا دەکات، دەیەوێت لووتکەی جی20 وەک دەرفەتێک بقۆزێتەوە بۆ ئەوەی بەتامترین گۆشت و بەرهەمە بەنێوبانگەکانی نیشانی سەرکردەکانی وڵاتانی زلهێزی جیهان بدات.
ئەرژەنتینییەکان شانازی بە گۆشتی خۆماڵی خۆیان دەکەن، کە ئاژاڵەکان لە سەوزایی سرووشتی بەخێودەکەن و زۆربەی جاریش شەرابی سوور بۆ چێشتلێنان بەکاردەهێنن.
تۆمی بیرلبورگەر، ئەو شێفەیە کە خواردنەکانی لووتکەی جی20 ئامادە دەکات، دەڵێت "ئامانج لە ئامادەکردنی لیستی خواردنەکان ئەوەیە، خواردنە بەتامەکانی ئەرژەنتین بۆ میوانان پێشکەشبکەین و بەروبوومە وەرزیی و خواردنە ئەرژەنتینییەکان بۆ میوانان ئامادەبکەین".
بیرلبورگەر دەشڵێت "خۆشحاڵ دەبین ئەگەر سەرۆکی وڵاتان خواردنەکانیان پێخۆش بێت، چونکە رەنگە ببێتە هاندەرێک بۆ ئەوەی وڵاتەکانیان ببنە کڕیاری بەرهەمەکانمان".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ