کتێبی "خۆبێژی لە گۆرانیی کوردیدا" بڵاو دەکرێتەوە

رووداو دیجیتاڵ

کتێبێکی نوێی هونەری و لێکۆڵینەوە بە ناونیشانی (خۆبێژی لە گۆرانیی کوردیدا) لە نووسینی نووسەر و توێژەر هەڵکەوت پشدەری، بڵاوکرایەوە.

کتێبی (خۆبێژی لە گۆرانیی کوردیدا) بەرهەمێکی توێژینەوەیی تایبەتە لە بواری هونەری گۆرانی و میوزیکی کوردیدا. دامەزراوەی (لامیدیا) کە سەرپەرشتیی ناساندنی دەکات، باسی لەوە کردووە، کە نووسەری پڕۆژەکە، ئەم کتێبە بە کارێکی دەگمەن وەسف دەکات، کە ببێتە سەرچاوەیەکی گرنگ و باوەڕپێکراو بۆ هونەرمەندان، توێژەران و خوێندکارانی بواری میوزیک و فۆلکلۆری کوردی.

بڕیارە لە چوارچێوەی چالاکییەکانی پێشانگەی نێودەوڵەتیی کتێب لە شاری هەولێر، رێوڕەسمی ناساندن و واژۆکردنی کتێبەکە بە ئامادەبوونی نووسەر و ژمارەیەک لە هونەرمەندان و خوێنەران بەڕێوەبچێت و کتێبەکە بکەوێتە بەر دیدی خوێنەران.