کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

هونەر

رووداو بەڵگەفیلمی "قومری و کاروانێک شەهید" نمایش دەکات

دەوران مەحموود

دەوران مەحموود

12-11-2026
گوێبگرە
0:00
0:00
قەبارەی دەق
دەوران مەحموود
دەوران مەحموود12-11-2026

بابەتی پەیوەندیدار

بە بڕیاری دادگە زنجیرە درامایەک لە ئێران راگیرا
هونەر15-11-2026

بە بڕیاری دادگە زنجیرە درامایەک لە ئێران راگیرا

لە ئەڵمانیا کۆنسێرتێکی جیهانی بە بەشداریی هەژار زەهاوی بەڕێوەچوو
هونەر13-11-2026

لە ئەڵمانیا کۆنسێرتێکی جیهانی بە بەشداریی هەژار زەهاوی بەڕێوەچوو

سەعدوون کاکەیی بۆ رووداو: لە ساڵی 1963ـەوە کەس خۆی لە مەقامی نازم غەزالی نەدەدا، من کردم
هونەر12-11-2026

سەعدوون کاکەیی بۆ رووداو: لە ساڵی 1963ـەوە کەس خۆی لە مەقامی نازم غەزالی نەدەدا، من کردم

 

رووداو دیجیتاڵ

تۆڕی میدیایی رووداو، بە هاوبەشی لەگەڵ سەنتەری کۆماتە، بەڵگەفیلمێکی نوێی بە ناوی "قومری و کاروانێک شەهید" بەرهەمهێناوە کە تێیدا داستان و قارەمانێتیی ژنێکی شۆڕشگێڕی کورد دەگێڕێتەوە. رۆژی پێنجشەممە 12ی تشرینی دووەمی 2026، بەڵگەفیلمەکە بۆ یەکەمجار لە هۆڵی رۆشنبیریی زاخۆ نمایش کرا.

بەڵگەفیلمەکە، کە ماوەکەی 49 خولەکە، چیرۆکی قومری خان، ژنێکی تێکۆشەری خەڵکی زاخۆ دەگێڕێتەوە کە لە ساڵی 1960ـەوە بەشداریی لە شۆڕشی کوردستاندا کردووە و هاوکارییەکی گەورەی پێشمەرگەی کردووە. لە ماوەی دوو مانگدا کاری وێنەگرتن و مۆنتاژی بۆ کراوە و تێیدا ژیانی پڕ لە سەروەری و قوربانیدانی ئەو ژنە قارەمانە تۆمار کراوە.

کرمانج فەرەج، دەرهێنەری بەڵگەفیلمی "قومری و کاروانێک شەهید،" لەکاتی بەشداربوونی لە بووڵتەنی نووڕۆژی تۆڕی میدیایی رووداو، کە نالین حەسەن پێشکێشی دەکات، رایگەیاند، "قارەمانێتیی ئەم ژنە وای لێکردم بیر لە بەرهەمهێنانی ئەم بەڵگەفیلمە بکەمەوە." دەرهێنەر ئاماژەی بەوەش کرد، قومری خان رۆڵێکی گرنگی لە گواستنەوە و شاردنەوەی چەک و تەقەمەنیدا هەبووە و "لە شاخیش قارەمانێتییەکی زۆری نواندووە."

 

قومری خان، لە کاتێکدا حەوت کەس لە ئەندامانی خێزانەکەی شەهید بوون، بەڵام وەک کرمانج فەرەج دەڵێت، "هەرگیز دەستبەرداری کوردایەتی نەبووە و بەردەوام بووە لەسەر لێهاتوویی، قارەمانێتی و کوردبوونی خۆی." هەروەها لە سەردەمی ئەنفالدا چەندین جار لە زیندانەکانی موسڵ، نزارکێ و بەحرکە زیندانی کراوە.

دەرهێنەری بەڵگەفیلمەکە دەڵێت، "سەرەڕای هەموو ئەو ناخۆشیانەی بەسەر ئەم خانمەدا هاتووە، بەڵام هێشتا کوردایەتییەکەی کەم نەکردووە و دوای راپەڕینیش چووەتە مەککە بۆ حەج و لەوێش دوعای بۆ دەوڵەتی کوردستان کردووە."

بابەتی پەیوەندیدار

بە بڕیاری دادگە زنجیرە درامایەک لە ئێران راگیرا
هونەر15-11-2026

بە بڕیاری دادگە زنجیرە درامایەک لە ئێران راگیرا

لە ئەڵمانیا کۆنسێرتێکی جیهانی بە بەشداریی هەژار زەهاوی بەڕێوەچوو
هونەر13-11-2026

لە ئەڵمانیا کۆنسێرتێکی جیهانی بە بەشداریی هەژار زەهاوی بەڕێوەچوو

سەعدوون کاکەیی بۆ رووداو: لە ساڵی 1963ـەوە کەس خۆی لە مەقامی نازم غەزالی نەدەدا، من کردم
هونەر12-11-2026

سەعدوون کاکەیی بۆ رووداو: لە ساڵی 1963ـەوە کەس خۆی لە مەقامی نازم غەزالی نەدەدا، من کردم

پێشنیازەکان

ئەمەنەش ببینە