کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

دیاسپۆرا

پەرلەمانتارێکی کورد لە ئەڵمانیا بە تۆمەتی ساختەکردنی ناسنامە رووبەڕووی دادگا دەکرێتەوە

رووداو دیجیتاڵ

رووداو دیجیتاڵ

28-08-2026
گوێبگرە
0:00
0:00
قەبارەی دەق
رووداو دیجیتاڵ
رووداو دیجیتاڵ28-08-2026

بابەتی پەیوەندیدار

پەناخوازێکی کورد لە بەریتانیا باسی بێماڵی و دۆخی خراپی خۆی دەکات
دیاسپۆرا13-11-2026

پەناخوازێکی کورد لە بەریتانیا باسی بێماڵی و دۆخی خراپی خۆی دەکات

خانمێکی کورد جلی کوردی پێشکێشی شاژنی نەرویج دەکات
دیاسپۆرا13-11-2026

خانمێکی کورد جلی کوردی پێشکێشی شاژنی نەرویج دەکات

فێستیڤاڵی شێوەکاریی عەفرین لە ئەڵمانیا بەڕێوەچوو
دیاسپۆرا13-11-2026

فێستیڤاڵی شێوەکاریی عەفرین لە ئەڵمانیا بەڕێوەچوو


رووداو دیجیتاڵ

داواکاری گشتیی بەرلین بڕیاریدا پەرلەمانتارێکی کوردی پەرلەمانی ئەڵمانیا بە تۆمەتی "ساختەکردنی ناسنامە" بداتە دادگا. لە بەرامبەردا، نووسینگەی پەرلەمانتارەکە تۆمەتەکە بە تووندی رەتدەکاتەوە و دەڵێت، رووداوەکە تەنیا گۆڕینەوەی رۆڵ بووە بۆ ڤیدیۆیەکی یوتیووب.

بەگوێرەی زانیارییەکان، (فەرات کۆچاک)، کە سیاسەتڤانێکی کوردە و یەکێکە لە داکۆکیکارانی مافی کورد و سەربە پارتی چەپی ئەڵمانیایە، لەلایەن داواکاری گشتیی شاری بەرلینەوە دۆسیەی بۆ کراوەتەوە. پۆلیس بانگەشەی ئەوە دەکات کە لەکاتی سەردانێکدا بۆ پەرلەمان، کەسێک بە ناسنامەیەکی ساختەی فەرات کۆچاکەوە لەنێو باڵەخانەکەدا بینراوە.

گۆڕینەوەی رۆڵ بۆ یوتیووب

نووسینگەی فەرات کۆچاک لە روونکردنەوەیەکدا سەرجەم تۆمەتەکانی رەتکردووەتەوە و وردەکاریی رووداوەکەی خستووەتەڕوو. بەگوێرەی روونکردنەوەکە، ئەو پەرلەمانتارە لە کەناڵی تایبەتی خۆی لە تۆڕی کۆمەڵایەتیی یوتیووب بەرنامەیەکی هەیە، کە تێیدا بۆ ماوەیەک رۆڵ و پیشەی خۆی لەگەڵ کەسانی دیکە دەگۆڕێتەوە؛ بەجۆرێک کەسەکە دەبێتە پەرلەمانتار و فەراتیش کاری ئەو کەسە دەکات، بۆ ئەوەی هەریەکەیان ئەزموونی خۆیان لە رۆڵە نوێیەکەدا بخەنەڕوو.

چوونە پەرلەمانی حەیدۆ چاغلار

رووداوەکە دەگەڕێتەوە بۆ مانگی ئاداری ئەمساڵ، کاتێک فەرات کۆچاک لە یەکێک لە ئەڵقەکانی بەرنامەکەیدا رۆڵی خۆی لەگەڵ (حەیدۆ چاغلار)، کەسایەتیی دیاری سۆشیاڵ میدیا و خاوەن دووکانی وردەواڵە (کیۆسکێک)ی ناسراوی فرۆشتنی کەرەستەی نانی بەیانی لە گەڕەکی نۆیکوێلنی بەرلین، دەگۆڕێتەوە.

ئۆفیسی پەرلەمانتارە کوردەکە جەخت لەوە دەکاتەوە کە حەیدۆ بە بانگهێشتی فەرمیی ئەوان چووەتە نێو پەرلەمانی ئەڵمانیا و لە کاتی چوونە ژوورەوەشدا، ناوی لە لیستی میوانەکانی پرسگەدا هەبووە.

خاڵی ناکۆکیی نێوان پۆلیس و نووسینگەی پەرلەمانتارەکە لەسەر جۆری ناسنامەکەیە. پۆلیس دەڵێت دوای چوونە نێو پەرلەمان، دەرکەوتووە کە حەیدۆ ناسنامەیەکی ساختەی بەناوی فەرات کۆچاکەوە پێبووە.

لە بەرامبەردا، ئۆفیسی فەرات کۆچاک دەڵێت ئەم تۆمەتە راست نییە؛ ئەو ناسنامەیەی کە باس دەکرێت شتێکی "سیمبۆلی" بووە تەنیا بۆ پێداویستیی ڤیدیۆکە دروستکراوە، تەنانەت رەنگەکەشی بە روونی جیاواز بووە لە رەنگی ناسنامەی فەرمیی پەرلەمانتاران. ئۆفیسەکە دەشڵێت، هەموو ئەو وردەکارییانە لە ڤیدیۆکەدا تۆمارکراون و دەسەلمێنن کە هیچ مەبەستێک بۆ ساختەکاری لە پشتەوە نەبووە.

بابەتی پەیوەندیدار

پەناخوازێکی کورد لە بەریتانیا باسی بێماڵی و دۆخی خراپی خۆی دەکات
دیاسپۆرا13-11-2026

پەناخوازێکی کورد لە بەریتانیا باسی بێماڵی و دۆخی خراپی خۆی دەکات

خانمێکی کورد جلی کوردی پێشکێشی شاژنی نەرویج دەکات
دیاسپۆرا13-11-2026

خانمێکی کورد جلی کوردی پێشکێشی شاژنی نەرویج دەکات

فێستیڤاڵی شێوەکاریی عەفرین لە ئەڵمانیا بەڕێوەچوو
دیاسپۆرا13-11-2026

فێستیڤاڵی شێوەکاریی عەفرین لە ئەڵمانیا بەڕێوەچوو

پێشنیازەکان

ئەمەنەش ببینە