رووداو - تەندروستی
توێژینەوەیەک لە ئەمریکا دەریخستووە، رۆژانە تەنیا چوار خولەک راهێنانی هێز، دەتوانێت بەشێوەیەکی بەرچاو جووڵە و توانای جەستەیی لە کەسانی بەساڵاچوودا باشتر بکات.
توێژینەوەکە کە لە کۆلێژی پزیشکیی پێن ستەیت کراوە، دەرکەوتووە ئەو کەسانەی تەمەنیان 65 ساڵ و زیاترە، دوای تەنیا 12 هەفتە لە راهێنانیکردن 4 خولەکی پێشکەوتنی بەرچاویان لە توانای جەستەییدا بەدەستهێناوە. ئەمەش یارمەتیدەرە بۆ کەمکردنەوەی مەترسیی پەکەوتن و پاراستنی ژیانێکی سەربەخۆ.
پرۆفیسۆر د. کریستۆفەر سیامانا، سەرپەرشتیاری توێژینەوەکە دەڵێت، "جەستەی مرۆڤ وایە کە زۆر بەخێرایی باشتر دەبێت، بۆیە تەنیا چەند جووڵەیەکی وەرزشیی بەردەوام دەتوانێت گۆڕانکاریی ئەرێنیی گەورە دروستبکات."
پرۆفیسۆر د. کریستۆفەر سیامانا ئاماژە بەوەدەکات کە وەرزش کلیلی هێشتنەوەی ژیانێکی دوور لە نەخۆشییە
راهێنانە 4 خولەکییەکە چییە؟
بەرنامەکە ناوی FAST-2 بوو و لە چوار جووڵەی سادە پێکهاتووە:
+شناو: بۆ بەهێزکردنی ماسولکەکانی بەشی سەرەوەی جەستە.
+هەستانەوە لەسەر کورسی: چەندبارە هەستانەوە لە دانیشتنەوە بۆ کارکردن لەسەر قاچەکان.
+راکێشانی دوو دەست: راکێشان دژی دەستی یەک، بۆ بەهێزکردنی بەشی سەرەوەی جەستە.
+سەرکەوتنی پلیکانە: هەنگاونان بۆ سەرەوە و خوارەوە بۆ بەهێزکردنی قاچەکان و پشتگیریکردنی جووڵەی ئاسایی.
هەر وەرزشێک بۆ ماوەی 30 چرکە ئەنجامدەدرا و دواتر 30 چرکە پشوو وەردەگیرا، کە کۆی گشتیی راهێنانەکەی دەکردە چوار خولەک.
دوای 12 هەفتە دەرکەوت:
4.2+ چرکە زیاتر ەوە لەسەر کورسی: زیادبوون لە ژمارەی جارەکانی هەستانەوە لەسەر کورسی لە ماوەی 30 چرکەدا.
3.6+ چرکە زیاتر هاوسەنگی: باشتربوون لەوەی کە چەندە دەتوانن لەسەر یەک قاچ بوەستن.
2.3+ چرکە خێراتر: کەمبوونەوەی ئەو کاتەی کە بۆ تەواوکردنی تاقیکردنەوەی دانیشتن و هەستانەوە پێویست بوو.
