کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

Article hero image
تەندروستی

رێنوێنیکارێکی پەروەردەیی قۆناخەکانی گەشەی دەروونی و کۆمەڵایەتیی مرۆڤ روون دەکاتەوە

شکار رێبوار

شکار رێبوار

18-11-2026
گوێبگرە
0:00
0:00
قەبارەی دەق
شکار رێبوار
شکار رێبوار18-11-2026

بابەتی پەیوەندیدار

د. سیروان کامل: هەموو نەخۆشییەکی دەروونی پێویستی بە دەرمان نییە
تەندروستی18-11-2026

د. سیروان کامل: هەموو نەخۆشییەکی دەروونی پێویستی بە دەرمان نییە

د. نزار گزالی: گرفتە دەروونییەکان زۆر بوون و کاریگەرییان لەسەر تاکەکان هەیە
تەندروستی18-11-2026

د. نزار گزالی: گرفتە دەروونییەکان زۆر بوون و کاریگەرییان لەسەر تاکەکان هەیە

حەوتەمین فێستیڤاڵی بازار لە کەلار بەڕێوەچوو و مەڵبەندی تەندروستی شەهیدان بەشداربوو
تەندروستی18-11-2026

حەوتەمین فێستیڤاڵی بازار لە کەلار بەڕێوەچوو و مەڵبەندی تەندروستی شەهیدان بەشداربوو

رووداو - تەندروستی

گەشەی کۆمەڵایەتی و دەروونیی مرۆڤ بە هەشت قۆناخی سەرەکیی دابەش کراون و هەر قۆناخێک ململانێی دەروونی و کۆمەڵایەتیی تایبەتی هەیە کە کاریگەریی لەسەر کەسایەتی و گەشەی داهاتووی تاک دەبێت، بەتایبەت قۆناخەکانی پێش 20 ساڵی.

هێلین زاهیر شێخانی، رێنوێنیکاری پەروەردەیی بە رووداوی راگەیاند، گەشەی کۆمەڵایەتی و دەروونی پرۆسەیەکی بەردەوامە کە لە منداڵییەوە تاوەکو پیری درێژە دەکێشێت. هەر قۆناخێک رۆڵێکی گرنگ لە پێکهاتەی کەسایەتی، پەیوەندییە کۆمەڵایەتییەکان و توانای گونجاندنی تاک لەگەڵ کۆمەڵگەدا دەبینێت. 

هۆکاری ئەوەی کە باسی ئەم قۆناخانە دەکات ئەوەیە کە ''تێگەیشتن لەم قۆناخانە بۆ دایک و باوکان و پەروەردەکاران گرنگە، بۆ ئەوەی ژینگەیەکی گونجاو بۆ گەشە و پێشکەوتنی تاک دابینبکەن''.

قۆناخەکان ئەمانەن؛

لە لەدایکبوونەوە تاوەکو 18 مانگی

لەو قۆناخەدا، دابینکردنی پێداویستییە بنەڕەتییەکان و چاودێری و خۆشەویستیی دایک و باوک، هەستی متمانە لای منداڵ دروستدەکات. بە پێچەوانەوە، بێ‌گرنگیپێدان دەتوانێت ببێتە هۆی بێمتمانەیی و دڵەڕاوکێ.

لە 18 مانگی تاوەکو 6 ساڵی

منداڵ هەوڵ دەدات کارەکانی بە سەربەخۆیی ئەنجام بدات، وەک خواردن و جل لەبەرکردن. پشتگیری و هاندانی دەوروبەران متمانەی بە تواناکانی بەهێز دەکات، بەڵام رەخنە و رێگریی زۆر هەستی شەرم و گومانی لەلا دروستدەکات.

لە 3 ساڵی تاوەکو 6 ساڵی

منداڵ ئارەزووی پرسیارکردن، یاریکردن و ئەنجامدانی چالاکیی جۆراوجۆر دەکات. پشتگیریی بیرۆکەکانی لەلا زۆر گرنگە، بەڵام سەرکۆنەکردنی بەردەوام دەتوانێت هەستی تاوان و خۆبەکەمزانین دروستبکات.

لە 6 ساڵی تاوەکو 12 ساڵی

منداڵ بایەخ بە فێربوون، بەدەستهێنانی تواناکان و سەرکەوتن دەدات. هاندانی و پشتگیریی دەوروبەران هەستی لێهاتوویی بەهێز دەکات، بەڵام شکستخواردن و نەبوونی پاڵپشت دەتوانن هەستی نەرێنی دروستبکەن.

لە 12 ساڵی تاوەکو 18 ساڵی

لە قۆناخی نەوجەوانیدا تاک هەوڵ دەدات ناسنامە و شوێنی خۆی لە کۆمەڵگەدا بناسێت. پەرەپێدانی ناسنامەیەکی روون و جێگیر گرنگترین ئەرکی ئەم قۆناخەیە.

لە 18 ساڵی تاوەکو 40 ساڵی

تاک هەوڵ دەدات پەیوەندییەکی قووڵ و تەندروست لەگەڵ کەسانی دیکە دروستبکات. متمانە و خۆشەویستی بنەمای پەیوەندییە سەرکەوتووەکانن، بەڵام نەبوونی ئەم پەیوەندییانە دەتوانێت ببێتە هۆی تەنیایی.

لە تەمەنی 40 ساڵی تاوەکو 65 ساڵی

تاک هەوڵ دەدات بەشدارییەکی کاریگەر لە پەروەردەکردنی نەوەی داهاتوو و پێشکەوتنی کۆمەڵگەدا هەبێت. بەرهەمداری و خزمەتکردن بە کۆمەڵگە هەستی بەرپرسیارێتی و سوودمەندی بەهێز دەکەن.

 

تەمەنی سەروو 65 ساڵ

تاک ژیانی رابردووی خۆی هەڵدەسەنگێنێت. رەزامەندی لە ژیان و هەستکردن بە ماناداریی ئەزموونەکان، هەستی تەواوەتی دروستدەکەن؛ بەڵام پەشیمانی دەتوانێت ببێتە هۆی دڵتەنگی و نائومێدی.

بابەتی پەیوەندیدار

د. سیروان کامل: هەموو نەخۆشییەکی دەروونی پێویستی بە دەرمان نییە
تەندروستی18-11-2026

د. سیروان کامل: هەموو نەخۆشییەکی دەروونی پێویستی بە دەرمان نییە

د. نزار گزالی: گرفتە دەروونییەکان زۆر بوون و کاریگەرییان لەسەر تاکەکان هەیە
تەندروستی18-11-2026

د. نزار گزالی: گرفتە دەروونییەکان زۆر بوون و کاریگەرییان لەسەر تاکەکان هەیە

حەوتەمین فێستیڤاڵی بازار لە کەلار بەڕێوەچوو و مەڵبەندی تەندروستی شەهیدان بەشداربوو
تەندروستی18-11-2026

حەوتەمین فێستیڤاڵی بازار لە کەلار بەڕێوەچوو و مەڵبەندی تەندروستی شەهیدان بەشداربوو

پێشنیازەکان

ئەمەنەش ببینە