نەتەوە یەکگرتووەکان داوایەکی گشتی ئاڕاستەی وڵاتان دەکات

نەتەوە یەکگرتووەکان رایدەگەیێنێت، زیادبوونی ژمارەی دانیشتووان لە 50 ساڵی رابردوودا کاریگەرییەکی بەرچاوی لەسەر گەشەپێدان هەبووە، بەڵام پێویستی بە بەڕێوەبردنی باشتر هەیە بۆ دابینکردنی خزمەتگوزارییە پێویستەکانی وەکو تەندروستی، پەروەردە، هەلی کار و پاراستنی ژینگە.

بەگوێرەی ئامارەکان، ژمارەی دانیشتووانی جیهان ئێستا هەشت ملیار و 230 ملیۆن و 129 هەزار کەسە، لە ساڵی 2050 دەگاتە 9.7 ملیار کەس، کە 60%ـی زیادبوونی ژمارەی دانیشتووان لە ئەفریقیا و ئاسیا روودەدات.

رێکخراوە نێودەوڵەتییەکان دەڵێن: گەشەی دانیشتووان سامانێکی مرۆییە ئەگەر بە شێوەیەکی دروست بەڕێوەبرێت، بەڵام پێویستی بە پلاندانانی وردتر هەیە بۆ ئەوەی وڵاتان ئامادەی ئەم زیادبوونە بن.