رووداو دیجیتاڵ دەزگای دژەتیرۆری عێراق لە ئۆپەراسیۆنێکدا لە بەغدا، دوو بازرگانی چەکی دەستگیرکرد و دەستی بەسەر بڕێکی زۆر چەک و تەقەمەنیدا گرت. رۆژی پێنجشەممە، 20ـی ئابی 2026، دەزگای دژەتیرۆری عێراق لە راگەیێندراوێکدا بڵاویکردەوە، ئەم ئۆپەراسیۆنە دوای وەرگرتنی زانیاریی وردی هەواڵگری و دەرچوونی فەرمانی دادوەری کراوە. لەو ئۆپەراسیۆنە، دوو کەس کە سەرقاڵی کڕین و فرۆشتنی چەک بوون، لە ناو جەرگەی بەغدا دەستگیرکراون. بەگوێرەی راگەیێندراوەکە، مەفرەزەکانی دژەتیرۆر دەستیان بەسەر بڕێکی زۆر و جۆراوجۆری چەک و تەقەمەنیدا گرتووە، کە لە لایەن ئەو دوو بازرگانەوە هەڵگیرابوون. حکومەتی عێراق لە کابینەی نوێیدا هەڵمەتێکی فراوانی بۆ کۆکردنەوەی چەک لە دەستی دەوڵەتدا دەستپێکردووە و وادەی 30ـی ئەیلوولی بۆ بنبڕکردنی دیاردەی چەکداری دیاریکردووە.
