کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

عێراق

بەسرە.. وشکەساڵی زیانی بە هەزاران دۆنم زەوی کشتوکاڵی گەیاندووە

شکۆ عومەر

شکۆ عومەر

04-09-2026
گوێبگرە
0:00
0:00
قەبارەی دەق
شکۆ عومەر
شکۆ عومەر04-09-2026

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات

رووداو دیجیتاڵ

بەسرە، کە سەردەمانێک بە سەبەتەی خۆراکی هەموو عێراق ناسرابوو، ئێستا رووبەڕووی مەترسیی پوکانەوەی زەوییە کشتوکاڵییەکانی بووەتەوە. کەمئاوی، وشکەساڵی و چەندین هۆکاری دیکە هەڕەشەی جددین لەسەر ئەو کەرتە گرنگەی پارێزگاکە.

پاشماوەی جەنگ، پشتگوێخستنی جووتیاران لەلایەن حکومەتەوە، هاوردەکردنی بەرهەمی بیانی، سەپاندنی باج و لە هەمووی کاریگەرتر، کەمئاوی و بەرزبوونەوەی رێژەی خوێ لە ئاودا، وایانکردووە زەوییە بەپیتەکانی ناوچەکانی زوبێر و سەفوان رووبەڕووی مەترسیی لەناوچوون ببنەوە.

عەبدولڕەزاق موحسین، سەرۆکی یەکێتیی جووتیارانی زوبێر، دەڵێت: "پێداویستییەکانمان لە بازاڕدا گران بوون و نرخەکانیان چەند قات بووە، هەر لە تۆوەوە بیگرە تا دەگاتە ئامێر و کەلوپەلەکانی دیکە. جووتیاران بەناچاری داماون و نازانن چی بکەن، پارەیان نییە بیدەنە حکومەت تاوەکو کەلوپەلیان بۆ دابین بکرێت، کاتێکیش روو لە بازرگانان دەکەن، کەلوپەلەکان بە نرخی زۆر گران دەستدەکەون."

جووتیارێک بە ناوی ئەبو عەبدوڵڵا باس لەوە دەکات کە ئەگەر ئاوی شیرینیان هەبووایە، دەیانتوانی لە هاوین و زستاندا بەردەوام بن لەسەر کشتوکاڵکردن. ئەو دەڵێت، "خۆتان دەزانن قەزای زوبێر بە کشتوکاڵەکەی بەناوبانگە، بەتایبەتی تەماتە و خەیار و شووتی. بەڵام بەهێزترین بەرهەممان دارخورمایە کە بەرگەی هەموو شتێک دەگرێت، کەچی ئەویش بەرگەی ئاوی سوێری بەسرە و وشکەساڵییەکەی نەگرت و وشکی کرد."

بەسرە یەکێکە لەو پارێزگایانەی زۆرترین زیانی کەمئاوی و وشکەساڵیی بەرکەوتووە. ئەم دۆخە کاریگەریی راستەوخۆی لەسەر کەرتی کشتوکاڵ، ئاژەڵداری و سامانی ماسی داناوە و ساڵ بە ساڵ زیانەکان زیاتر دەبن.

هادی حوسێن، بەڕێوەبەری کشتوکاڵی بەسرە، بە رووداوی راگەیاند: "ئاو کاریگەرییەکی زۆری کردووەتە سەر ئاژەڵداری، باخە خورماکان و سامانی ماسی، بەتایبەتی ئەو جۆرە ماسییانەی پێویستیان بە ئاوی شیرینە. وشکەساڵی کاریگەری کردووەتە سەر زەوییە کشتوکاڵییەکانیش، بەتایبەتی ئەوانەی بەرهەمی ستراتیژییان هەیە وەک گەنم و جۆ. تەنانەت کاریگەری لەسەر تام و کوالێتیی ئەو خورما بەناوبانگانەش کردووە کە تەنیا لە باخەکانی بەسرەدا بەرهەم دەهێنران."

تەنیا لە ساڵی رابردوودا، زیاتر لە 10 هەزار دۆنم زەویی بەراو کە بۆ چاندنی گەنم و جۆ بەکاردەهێنران، بەهۆی کەمئاوییەوە وشک بوون و لە پلانی کشتوکاڵی دەرکران.

پێشتر کێڵگە بەپیتەکانی بەسرە بە تەماتە، بیبەر، خەیار و خورمای بەتام بەناوبانگ بوون، بەڵام ئێستا پارێزگاکە زۆربەی بەرهەمە کشتوکاڵییەکان لە دەرەوە هاوردە دەکات و ئاوی سوێر نەک تەنیا هەڕەشەیە بۆ کشتوکاڵ، بەڵکو بۆ دانیشتووانیش.

 

 

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات

پێشنیازەکان

ئەمەنەش ببینە