کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنە: کێڵگەیەکی بەخێوکردنی بەراز

وێنە: کێڵگەیەکی بەخێوکردنی بەراز

عێراق

تەندروستیی ئەنبار بوونی کێڵگەی بەخێوکردنی بەراز لە پارێزگاکە رەتدەکاتەوە

نەهرۆ محەممەد

نەهرۆ محەممەد

16-09-2026
گوێبگرە
0:00
0:00
قەبارەی دەق
نەهرۆ محەممەد
نەهرۆ محەممەد16-09-2026

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات

رووداو دیجیتاڵ

بەڕێوەبەرایەتیی گشتیی تەندروستیی ئەنبار، هەواڵی بوونی کێڵگەی بەخێوکردن و فرۆشتنی گۆشتی بەرازی لە پارێزگاکە رەتکردەوە و رایگەیاند، ئەو دەنگۆیانە دوورن لە راستییەوە.


لە بەشێک لە تۆڕە کۆمەڵایەتییەکان بڵاوکرایەوە کە گوایە وەزارەتی تەندروستیی عێراق لە پارێزگای ئەنبار دەستی بەسەر کارگە و کێڵگەیەکی بەخێوکردنی بەراز و فرۆشتنی گۆشتەکەیدا گرتووە، کە خاوەنەکەی موسەننا سامەڕائی، سەرۆکی هاوپەیمانیی عەزمە.

محەممەد عادل قەیسی، گوتەبێژی تەندروستیی ئەنبار، ئەمڕۆ چوارشەممە، 16ی ئەیلوولی 2026، بە تۆڕی میدیایی رووداوی راگەیاند: "ئەو هەواڵە بە تەواوی دوورە لە راستییەوە و هیچ بنەمایەکی نییە."

پارێزگای ئەنبار دەکەوێتە رۆژئاوای عێراق و لە رووی رووبەرەوە گەورەترین پارێزگای وڵاتەکەیە. دانیشتووانەکەی موسڵمانی سوننە مەزهەبن و خواردنی گۆشتی بەراز بەگوێرەی شەریعەتی ئیسلام حەرامە.

گوتەبێژی تەندروستیی ئەنبار روونیکردەوە، بڵاوکردنەوەی ئەو جۆرە زانیارییە چەواشەکارانە دەبێتە هۆی شێواندنی رای گشتی و زیان بە کاری دامەزراوە تەندروستییەکان دەگەیێنێت. داواشی لە دەزگاکانی راگەیاندن و هاووڵاتییان کرد ورد بن و زانیاری لە سەرچاوە فەرمییە باوەڕپێکراوەکانەوە وەربگرن و ئەو هەواڵانەی لە پەیجە نافەرمییەکانەوە بڵاودەکرێنەوە، بڵاوی نەکەنەوە.

رۆژی دووشەممە 14ی ئەیلوولی 2026، دادگەی تاوانەکانی نەجەف سزای 10 ساڵ زیندانیکردنی بەسەر کەسێکدا سەپاند کە گۆشتی بەرازی بە نرخێکی هەرزان و بە ناوی گۆشتی گوێرەکەوە بە هاووڵاتییان فرۆشتبوو.

بەگوێرەی راگەیێندراوی ئەنجوومەنی باڵای دادوەریی عێراق، تۆمەتبارەکە لە ناحیەی حوڕییەی سەر بە قەزای کوفە لە پارێزگای نەجەف دەستگیرکراوە و دەست بەسەر 75 کیلۆگرام گۆشتی بەرازیشدا گیراوە. تۆمەتبارەکە گۆشتەکەی بە هاووڵاتییان فرۆشتبوو و پێی گوتبوون کە گۆشتی گوێرەکەیە، بەڵام دواتر دەرکەوتبوو کە گۆشتی بەرازە.

8ی ئەیلوولی 2026، هەواڵی دەستگیرکردنی ئەو گۆشتفرۆشە بڵاوکرایەوە و گوترا، لەلایەن هێزێکی هەواڵگرییەوە دەستگیرکراوە و لە لێکۆڵینەوەکاندا دەرکەوتووە کە بەرازی راو کردبوو و دواتر گۆشتەکەی بە خەڵک فرۆشتبوو.

سزاکەی بەگوێرەی بڕیاری 146ی ساڵی 1998 دەرکراوە، کە تایبەتە بە مامەڵەکردن لەگەڵ ئەو خۆراکانەی زیانبەخشن بۆ تەندروستیی گشتی.

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات

پێشنیازەکان

ئەمەنەش ببینە