کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنە: فڕێدانی پاشماوەکان بۆ نێو رووباری دیجلە

وێنە: فڕێدانی پاشماوەکان بۆ نێو رووباری دیجلە

عێراق

روانگەی عێراقی سەوز: دەرمان و پاشماوەی پزیشکی فڕێ دەدرێنە نێو رووبارەکان

نەهرۆ محەممەد

نەهرۆ محەممەد

16-09-2026
گوێبگرە
0:00
0:00
قەبارەی دەق
نەهرۆ محەممەد
نەهرۆ محەممەد16-09-2026

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات

 رووداو دیجیتاڵ

روانگەی عێراقی سەوز هۆشداری تووند دەدات و  رایدەگەیێنێت، دەرمانی ماوەبەسەرچوو و پاشماوەی پزیشکی فڕێی دەدرێنە نێو رووبارەکان.

عومەر عەبدولـلەتیف، ئەندامی روانگەی عێراقی سەوز، ئەمڕۆ چوارشەممە 16ی ئەیلوولی 2026 بە تۆڕی میدیایی رووداوی راگەیاند:"بەگوێرەی راپۆرتی دیوانی چاودێریی دارایی فیدراڵیی عێراق، لەناوبردنی دەرمان بە شێوەیەکی نادروست بەڕێوەدەچێت و پاشماوەی پزیشکی لە رێگەی ئاوەڕۆوە فڕێ دەدرێتە نێو رووبارەکان، ئەمەش یەکەمجارە لە چوارچێوەی راپۆرتێکی حکومیدا ئاماژە بەوە دەدرێت."

ئەندامەکەی روانگەی عێراقی سەوز باس لەوە دەکات: "تێکەڵکردنی دەرمانی ماوەبەسەرچوو لەگەڵ خۆڵ و خاشاکی ئاسایی، کارێکی تەواو نادروستە و دەکرێت ببێتە هۆی بڵاوبوونەوەی نەخۆشی و چەندین مەترسیی دیکە، بەتایبەتی لە کاتی سووتاندنی ئەو  خاشاکانەدا."

عومەر عەبدولـلەتیف، ئەوەشی بۆ رووداو خستەڕوو، "پاشماوەی پزیشکی، ژەهرە و راستەوخۆ فڕێ دەدرێتە نێو رووبارەکان. ئێستا لە راپۆرتێکی حکومی و لەلایەن دیوانی چاودێریی داراییەوە باس لەم بابەتە کراوە، ئەمە تەنیا قسەی ئێمە نییە و  چەندین جار لەسەر ئەم بابەتە دواین و رەخنەی زۆریشمان لێگیراوە و قسەکانمان ناڕاست وەسفکراون."

بەگوێرەی راپۆرتێکی روانگەی عێراقی سەوز کە پاڵپشت بە  راپۆرتی ساڵانەی دیوانی چاودێریی دارایی فیدراڵی ئەمڕۆ چوارشەممە بڵاویکردەوە، میکانیزمی کاری لیژنەی لەنێوبردنی دەرمان و پێداویستییە پزیشکییەکان لە کەرتی تایبەتدا رێنوێنیی تایبەتی هەیە. 
دەرمانە رەقەکان، وەک حەب، کەپسوول، شووشە یان پلاستیک، پاودەری پزیشکیی پاکژ، ئەمپوول و شەربەتەکان، دەبێت لە رێگەی ئامێری (Shredding Autoclave)ـەوە لەنێوببرێن. 

ئەو ئامێرە تایبەتە بە چارەسەرکردنی پاشماوە پزیشکییە مەترسیدار و گوازراوەکان، کە لەنێو خودی دامەزراوەکەدا بە سەلامەتی و لە رێگەی هاڕین و وردکردن و پاکژکردنەوە بە هەڵم، لەنێویان دەبات.

راپۆرتەکە ئەوەی خستووەتەڕوو کە هیچ سووتێنەرێکی پێوانەیی بوونی نییە و ئامێری وردکردنی تایبەت بە لەنێوبردنیش لەکارکەوتووە. لیژنەی پاڵپشتیی لەنێوبردن، ئەو مادانە لە رێگەی هاڕین و پانکردنەوە بە "شۆڤڵ"ێک لەنێودەبات، کە چەند جارێک بەسەریاندا دەڕوات. دواتر، پاشماوەکان بۆ شوێنی فڕێدانی خۆڵ دەگوازرێنەوە و لەگەڵ خاشاکی ئاساییدا تێکەڵ دەکرێن، ئەمەش دەکرێت ببێتە هۆی زیان و نەخۆشیی مەترسیدار بۆ هەر کەسێک کە لێیان نزیک بێتەوە.

لە راپۆرتەکەدا هاتووە، فڕێدانی دەرمان، مادە پاککەرەوەکان و کەرەستەکانی شوشتنی گورچیلە بۆ نێو ئاوەڕۆکان، دەبێتە هۆی پیسبوونی ئاوی رووبارەکان بە هۆکاری نەخۆشی و ژەهر و خێراکردنی گواستنەوەی پەتاکان. ئەم کارە پێچەوانەی یاسای پاراستن و باشترکردنی ژینگە ژمارە 27ـی ساڵی 2009ـە، کە تێیدا هاتووە نابێت هیچ پاشەڕۆیەکی شلی ماڵان، پیشەسازی، خزمەتگوزاری یان کشتوکاڵی، بکرێتە نێو سەرچاوە ئاوییەکانی سەرزەوی و ژێرزەوی یان ئاوە هەرێمییەکانی عێراق، تاوەکو دوای چارەسەری پێویست، کە دڵنیایی بدات لەوەی لەگەڵ پێوەرە دیاریکراوەکانی یاسا ژینگەییەکاندا دەگونجێت.

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات

پێشنیازەکان

ئەمەنەش ببینە