کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کەسێک سەرقاڵی پڕکردنی بەرمیلی نەوتە. وێنە؛ بڵند تاهیر – رووداو/ ئەرشیڤ

کەسێک سەرقاڵی پڕکردنی بەرمیلی نەوتە. وێنە؛ بڵند تاهیر – رووداو/ ئەرشیڤ

عێراق

راسپاردەى پەرلەمان: چاو بە پشکى نەوتى خاوى هەرێمى کوردستان بخشێنرێتەوە و "خێرا" نەوتى ماڵان دابین بکرێت

هەستیار قادر

هەستیار قادر

21-09-2026
گوێبگرە
0:00
0:00
قەبارەی دەق
هەستیار قادر
هەستیار قادر21-09-2026

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات



رووداو دیجیتاڵ


پەرلەمانی عێراق راسپاردەیەکی پەسند کرد کە ئاراستەی ئەنجوومەنی وەزیرانی عێراق کراوە بۆ چارەسەرکردنی کێشەی کەمیی بەرهەمە نەوتییەکان، یەکێک لە راسپاردەکان داوا دەکات پێداچوونەوە بە بڕى نەوتى خاوى تەرخانکراو بۆ هەرێمى کوردستان بکرێت، هەروەها پەلە بکرێت لە دابینکردنی نەوتی ماڵان بۆ وەرزى زستان. 


دووشەممە 21ی ئەیلوولی 2026، لە کۆبوونەوەی پەرلەمانی عێراق دەنگ لەسەر ئەو راسپاردانە درا کە 12 خاڵن و تایبەتن بە کێشەى کەمى بەرهەم نەوتییەکان لەعێراق و هەرێمى کوردستان، راسپاردەکانیش ئاڕاستەى حکومەت کران. 

سەلوان ئاکرەیی، ئەندامی پەرلەمانی عێراق بە تۆڕی میدیایی رووداوی راگەیاند، راسپاردەکان بە زۆرینەی دەنگ پەسند کران بۆ کەمکردنەوەی نرخی بەنزین و دەستەبەرکردنی بڕی پێویست و چارەسەرکردنی کێشەی کەمیی نەوتی ماڵان لە هەرێمی کوردستان.

 لە یەکێک لە خاڵەکانی راسپاردەکەدا هاتووە، کە چارەسەرى کێشەى بەرهەمە نەوتییەکان لە هەرێمى کوردستان بکرێت لە رێگەى پێداچوونەوە بە بڕى نەوتى خاوى تەرخانکراو بۆ هەرێمى کوردستان و دەستەبەرکردنى نەوتى ماڵان بەشێوەیەکى خێرا بۆ وەرزى زستان.

پۆلا سیروان دێرەشەیی، ئەندامی پەرلەمانی عێراق بە تۆڕی میدیایی رووداوی گوت: "چارەسەری کێشەی کەمیی نەوتی ماڵان لە هەرێمی کوردستان بەگوێرەی راسپاردەکە بە هاوشێوەی پارێزگاکانی دیکەی عێراق بۆ هەرێمى کوردستان دابین بکرێت."

لە راسپاردەکاندا هاتووە کە ئەنجوومەنی وەزیرانی عێراق چاو بخشێنێتەوە بە بڕیارێکى بۆ زیادکردنی نرخی بەرهەمە نەوتییەکان، هەروەها راپۆرتێک بدرێتە پەرلەمان لەبارەى بڕی بەرهەمهێنان، هاوردە، بەکارهێنان، تێچووەکەی و یەدەگی بەرهەمە نەوتییەکان و ئەو بڕەی بۆ پارێزگاکان تەرخان دەکرێت.

رۆژانە و لە وەرزی گەرمادا عێراق پێویستی بە 35 ملیۆن لیتر بەنزین هەیە، بەڵام نزیکەی پێنج ملیۆن لیتر کورتهێنانی هەیە.

یەکێک لە راسپاردەکانی دیکە ئەوەیە کە خشتەیەکی کاتی دابنرێت بۆ گەیشتن بە خۆبژێوی لە بەرهەمە نەوتییەکان و کۆتاییهێنان بە هاوردەکردنی، هەروەها چاودێرى لەسەر سیستمى دابەشکردنى وزە تووند بکرێت لە کۆگەکانەوە تاوەکو دەگاتە وێستگەکانى دابەشکردنى و چارەسەرکردنى دزەپێکردن و بەهەدەردانى و تاوتوێکردنى نموونەى ئابوورى تایبەت بە فرۆشتنى نەوت لە نێوخۆدا تاوەکو لەگەڵ لیژنەى نەوت و گازى پەرلەمانى عێراق گفتوگۆى لەسەر بکرێت بەر لەوەى بکەوێتە بوارى جێبەجێکردن.

بابەتی پەیوەندیدار

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە
عێراق19-11-2026

دوو لیواى "میانڕۆ" دەچنە جورف سەخر؛ 6000 بەرمیل نەوت لە دوو پاڵاوگە بەرهەمهێندراوە

دۆسیەى بەقاچاخبردنى نەوت لە عێراق رەوانەى دادگە کرا
عێراق18-11-2026

دۆسیەى بەقاچاخبردنى نەوت لە عێراق رەوانەى دادگە کرا

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات
عێراق18-11-2026

وەزیری بەرگریی عێراق فەرمانی پشکنینی مادەی هۆشبەر بۆ سەرجەم کارمەندانی دەردەکات

پێشنیازەکان

ئەمەنەش ببینە