رووداو دیجیتاڵ
شاندێکی تەکنیکیی وەزارەتی دارایی و ئابووریی حکومەتی هەرێمی کوردستان سەردانی بەغدا دەکەن بۆ پرسی پرۆژەیاسای بودجەی گشتیی عێراق و پشکی هەرێمی کوردستان.
شاندەکەی وەزارەتی دارایی و ئابووریی حکومەتی هەرێمی کوردستان، ئەمشەو چوارشەممە، 23ـی ئەیلوولی 2026، گەیشتوونەتە بەغدا.
بەگوێرەی زانیارییەکانی تۆڕی میدیایی رووداو، ئەندامانی ئەو شاندە پێکدێن لەبەڕێوەبەری گشتیی بودجە، راوێژکاری یاسایی و بەڕێوەبەری ژمێریاری لەوەزارەتی دارایی و ئابووری.
سەردانی ئەو شاندە هاوکاتە لەگەڵ ئامادەکارییەکانی وەزارەتی دارایی فیدراڵ بۆ داڕشتنی پرۆژەیاسای بودجەی گشتیی 2027، کە بڕیارە تاوەکو کۆتایی ئەم مانگە رادەستی ئەنجوومەنی وەزیرانی عێراق بکرێت.
سەرچاوەیەکی بەرپرس لەحکومەتی هەرێمی کوردستان بە رووداوی گوت: "ئەو شاندە هەمان شاندن کە پێشتر لەبارەی ستراتیژیی بودجەی گشتیی عێراق بەشدارییان لەکۆبوونەوەکان لەگەڵ وەزارەتی دارایی عێراق کردووە. ئامانجیش لەو سەردانە گفتوگۆکردنە لەبارەی داڕشتنی بودجەی گشتی و پشکی هەرێمی کوردستان لەو بودجەیە دا."
پێشتر وەزارەتی دارایی و ئابووریی حکومەتی هەرێمی کوردستان پێشنیارە بودجەیەکی لەبارەی خەرجییەکان رادەستی وەزارەتی دارایی فیدراڵ کرد بۆ ئەوەی وەک پشکی هەرێمی کوردستان لەپرۆژەیاسای بودجەی گشتیی 2027 جێگەی بکرێتەوە.
.jpg&w=3840&q=75)
