رووداو دیجیتاڵ
شانەی راگەیاندنی ئەمنیی عێراق رایگەیاند، هیچ فڕۆکەیەکی سەربازییان لە کاتی نمایشەکان بە بۆنەى (رۆژى سەروەرى) نەکەوتووەتە خوارەوە.
هەینی، 2ی تشرینی دووەمی 2026، سەعد معەن، سەرۆکی شانەی راگەیاندنی ئەمنیی عێراق بە تۆڕی میدیایی رووداوی راگەیاند: "سەرجەم فڕۆکە و فڕۆکەوانەکانمان سەلامەتن و هیچ فڕۆکەیەکمان نەکەوتووەتە خوارەوە".
ئەو رەتکردنەوەیە لەدوای ئەوە بوو کە لە تۆڕە کۆمەڵایەتییەکانی عێراق دەنگۆى ئەوە بڵاوکرایەوە کە فڕۆکەیەکی جەنگیی جۆری ئێف 16ی سەر بە هێزی ئاسمانیی عێراق لە سنووری پارێزگای نەینەوا کەوتووەتە خوارەوە.
هەینی بەبۆنەی کشانەوەی هاوپەیمانان و رۆژی سەروەری، فڕۆکە جەنگییەکانی عێراق لە ئاسمانی بەغدا و چەند شارێکی دیکە نمایشی سەربازییان ئەنجامدا.
سەعد معەن گوتی: "نمایشی سەروەریی عێراق کە فڕۆکەوانەکان ئەنجامیان دا، رەنگە کەسانێکی بێزار کردبێت، بۆیە ئەو جۆرە دەنگۆیانەیان بڵاوکردووەتەوە".
.jpg&w=3840&q=75)
