رووداو دیجیتاڵ
گوتەبێژی کەشناسی و بوومەلەرزەزانی عێراق رایگەیاند، بوومەلەرزەیەک لە هەولێر روویداوە، بەڵام هیچ زیانێکی نەبووە.
بوومەلەرزەکە کاژێر 6:04:54ی ئێوارەی ئەمڕۆ پێنجشەممە روویداوە. عامر جابری بە رووداوی گوت: بوومەلەرزەکە بە گوڕی 3.6 پلەی رێختەر بووە، بە قووڵایی 5 کم لە دووری 17 کم باشووری رۆژئاوای هەولێر و بەشێک لە دانیشتووانی هەولێر هەستیان پێکردووە.
جابری گوتی: بوومەلەرزەکە هیچ زیانێکی نەبووە.
هاوکات فازڵ ئیبراهیم، سەرۆکی فەرمانگەی کەشناسی و بوومەلەرزەزانی هەرێمی کوردستان بە رووداوی راگەیاند، بوومەلەرزەکە لە قووڵایی پێنج کیلۆمەتر لە ناوچەی پیرەبات روویداوە کە بە دووری 39 کم دەکەوێتە باشووری شاری هەولێر و حەوت کیلۆمەتر لە دیبەگە دوورە.
بەپێی ئاماری دەستەی کەشناسی و بومەلەرزەزانی عێراق، لە ساڵی 2024دا 231 بوومەلەرزە لە سەرانسەری عێراق و هەرێمی کوردستان روویانداوە، بەڵام زیانیان نەبووە.
.jpg&w=3840&q=75)
