رووداو- هەولێر
بەهۆی ئاگرەوە لە بەشی ناوخۆیی کچان لە شاری ئەدەنا لە تورکیا، 11 خوێندکار و کارمەندێک گیانیان لەدەستدا و 22 کەسی دیکەش بریندار بوون.
مەحموود دەمیرتاش، والی ئەدەنا رایگەیاند، تا ئێستا تەرمی 12 کەسیان دەرهێناوە و 22ی دیکەش بە برینداری گواستراونەتەوە بۆ نەخۆشخانە.
تیمەکانی تەندروستی و ئاگرکوژاندنەوە گەیشتوونەتە شوێنی رووداوەکە و هەوڵدەدەن بۆ رزگارکردنی قوتابیانی دیکە، تاوەکو ئێستاش هۆکاری کەوتنەوەی ئاگرەکە نەزاندراوە.
