کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

ئەستێرەی پۆپ ریهانا و خانووەکەی لە ئۆرلاندۆ لە ویلایەتی کالیفۆرنیا-وێنە TNX

ئەستێرەی پۆپ ریهانا و خانووەکەی لە ئۆرلاندۆ لە ویلایەتی کالیفۆرنیا-وێنە TNX

کولتوور و ستایل

تۆمەتباری تەقەکردن لە ماڵی ریهانا دادگایی دەکرێت

چاوان فەرەیدوون

چاوان فەرەیدوون

30-09-2026
گوێبگرە
0:00
0:00
قەبارەی دەق
چاوان فەرەیدوون
چاوان فەرەیدوون30-09-2026

بابەتی پەیوەندیدار

لە سەقز پێشانگایەک بۆ هونەرمەند فاتیح رەزایی کرایەوە
کولتوور و ستایل14-10-2026

لە سەقز پێشانگایەک بۆ هونەرمەند فاتیح رەزایی کرایەوە

بۆچی ئان کارسن خەڵاتی نۆبڵی لە بواری وێژەدا پێدرا؟
کولتوور و ستایل10-10-2026

بۆچی ئان کارسن خەڵاتی نۆبڵی لە بواری وێژەدا پێدرا؟

مارلین مۆنرۆ و سیدنی سوینی خزم دەرچوون
کولتوور و ستایل08-10-2026

مارلین مۆنرۆ و سیدنی سوینی خزم دەرچوون


رووداو دیجیتاڵ

دوای چەند مانگێک لە پشکنینی دەروونی، دادگە بڕیاریدا کە ئەو ژنەی تۆمەتبارە بە هێرشکردن و تەقەکردن لە ماڵی هەردوو ئەستێرە ریهانا و ئەی ساپ رۆکی، لە رووی دەروونییەوە تەندروستە و شیاوە بۆ دادگایی کردن.


ژنەکە ناوی ئیڤانا لیزێت ئۆرتیزە و تەمەنی 36 ساڵە. لە 8ی ئاداری ئەم ساڵدا بە ئۆتۆمبێلێکی تێسلا رۆشتە بەردەم ماڵی ئەستێرەی جیهانی پۆپ ریهانا لە شاری ئۆرلاندۆی ویلایەتی کالیفۆرنیا و دەستڕێژی گوللەی کرد.

جگە لە تۆمەتی هەوڵدان بۆ کوشتنی ریهانا، زیاتر لە 12 تۆمەتی دیکەی پەیوەست بە رووداوی تەقەکردنەکە خراوەتە پاڵ تۆمەتبارەکە و ئۆرتیز سەرجەمیانی رەتکردووەتەوە و بێتاوانی خۆی راگەیاندووە.

 

ئیڤانا لیزێت ئۆرتیز تۆمەتباری هێرشەکەی سەر ماڵی ریهانا وێنە PAGE SIX

رووداوەکە هیچ قوربانی و برینداری لێ نەکەوتووەتەوە، گولـلەکان بە نێو کەرەڤانێکدا تێپەڕیوە کە لەو کاتەدا هەردوو ئەستێرەکەی تێدابووە، هەروەها گوللـە بەر دیواری ژووری نهۆمی دووەم کەوتووە کە ژووری منداڵەکانیانە و لەو کاتەدا لەگەڵ دایەنەکەیان لە ژوورەوە بوونە.

دانیشتنی دادگا لە رۆژی سێشممەی ئەم هەفتەیە بەڕێوەچوو و تایبەت بوو بە هەڵسەنگاندنی راپۆرتە پزیشکییەکان و بڕیاردان لەسەر باری دەروونی تۆمەتبارەکە. ئۆرتیز لە کاتی دانیشتنەکەدا هیچ قسەی نەکرد و هیچ گفتوگۆیەکی راستەوخۆش لەبارەی بەڵگەنامە و وردەکارییەکانی کەیسەکە نەکرا و بە نهێنی هێڵدرایەوە.

تۆمەتبارەکە چەکی جۆری AR-15 ـی بەکارهێناوە و لە پەنجەرەی ئۆتۆمبێلەکەیەوە تەقەی کردووە و لانیکەم 20 فیشەکی بەرەو موڵکەکە و ماڵی دراوسێکانی ریهانا تەقاندووە. ئەگەر هەموو تۆمەتەکان بسەپێت بە سەریدا ئەوا ئەگەری هەیە کە سزای زیندانی تاهەتایی بەسەردا بسەپێت.

لێکۆڵەران ئاماژەیان بەوە کرد کە دوای دەستگیرکردنی ئۆرتیز لە هەمان رۆژدا، گوتوویەتی کە ئەو مەبەستی کوشتن نەبووە، دواتریش دەرکەوتووە کە ئۆرتیز هیچ پێشینەیەکی تاوانی لای پۆلیس نەبووە، تۆمارە گشتییەکان دەریانخست کە زیاتر لە 10 ساڵ پسپۆڕی چارەسەری نەخۆشییەکانی ئاخاوتن و دەنگ بووە.

وردەکاری پاڵنەر و هۆکاری تاوانەکە تائێستا بە نهێنی ماوەتەوە و سرووشتی پەیوەندی نێوان ریهانا و تۆمەتبارەکە ئاشکرا نەکراوە، پارێزەرانی هەردوولا رەتیانکردەووە کە لێدوان بۆ میدیاکان بدەن.

ئەستێرەی جیهانی میوزیکی پۆپ ریهانا، خاوەنی 9 خەڵاتی گرامییە، 14 گۆرانیی لە پلەی یەکەمی ریزبەندیی گۆرانییە هەرە بەناوبانگەکانی ئەمریکادا بووە، لەوانە گۆرانییە ناودارەکانی We Found Love,Work ,Umbrella و Disturbia. 

 

 

بابەتی پەیوەندیدار

لە سەقز پێشانگایەک بۆ هونەرمەند فاتیح رەزایی کرایەوە
کولتوور و ستایل14-10-2026

لە سەقز پێشانگایەک بۆ هونەرمەند فاتیح رەزایی کرایەوە

بۆچی ئان کارسن خەڵاتی نۆبڵی لە بواری وێژەدا پێدرا؟
کولتوور و ستایل10-10-2026

بۆچی ئان کارسن خەڵاتی نۆبڵی لە بواری وێژەدا پێدرا؟

مارلین مۆنرۆ و سیدنی سوینی خزم دەرچوون
کولتوور و ستایل08-10-2026

مارلین مۆنرۆ و سیدنی سوینی خزم دەرچوون

پێشنیازەکان

ئەمەنەش ببینە