کوردیKURDÎENGLISHTÜRKÇEعربي
Rudaw Logo
راستەوخۆ
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

ئامەدسپۆر، سوپەرلیگ

ئامەدسپۆر، سوپەرلیگ

وەرزش

ئامەدسپۆر یارییەکی گرنگی هەیە و چاوی لە بردنەوەیەکی دیکەیە

سامان وڵاتژێری

سامان وڵاتژێری

21-11-2026
گوێبگرە
0:00
0:00
قەبارەی دەق
سامان وڵاتژێری
سامان وڵاتژێری21-11-2026

بابەتی پەیوەندیدار

گرژی لەنێوان هاندەرانی یانەکانی هەولێر و دهۆک دروستبوو
وەرزش20-11-2026

گرژی لەنێوان هاندەرانی یانەکانی هەولێر و دهۆک دروستبوو

کلاسیکۆی کوردستان بە یەکسانبوون کۆتاییهات و زاخۆ بە خاڵیک رازی بوو
وەرزش20-11-2026

کلاسیکۆی کوردستان بە یەکسانبوون کۆتاییهات و زاخۆ بە خاڵیک رازی بوو

مۆرینیۆ بۆ ڤینیسیۆس: نەدەبوو ئەو قسانە بکەیت
وەرزش20-11-2026

مۆرینیۆ بۆ ڤینیسیۆس: نەدەبوو ئەو قسانە بکەیت


رووداو دیجیتاڵ


جارێکی دیکە خولی تورکیا دەستپێدەکاتەوە، یانەی ئامەدسپۆری باکووری کوردستان دەیەوێت بگەڕێتەوە سەر رێگای بردنەوە، کاتێک بەرامبەر یانەی ریزەسپۆر یاریی دەکات.


لە دەستپێکی یارییەکانی گەڕی 12ـی سوپەرلیگ، ئەمڕۆ ئێوارە، کاژێر 16:00 لەنێو یاریگا و هاندەرانیدا، یانەی ئامەدسپۆری باکووری کوردستان میوانداریی یانەی ریزەسپۆر دەکات و چاوی لە تۆمارکردنی بردنەوەیەکی دیکەیە.


دوای دۆڕاندنی بەرامبەر یانەی گاڵاتەسەرای، ئامەدسپۆر لە ماوەی وەستانی خولەکەدا، کاری لەسەر بەرزکردنەوەی توانای یاریزانەکانی کردووە و کار لەسەر کەمکردنەوەی هەڵەکان و چارەسەرکردنی کێشەکان کراوە، ئەمڕۆش یانەکە دەیەوێت سوود لە یاریگا و هاندەرانی وەربگرێت بۆ ئەوەی سێ خاڵی دیکە بباتەوە.


بۆ یارییەکەی ئەمڕۆ، هاوشێوەی یارییەکانی دیکەی ئامەدسپۆر، هەر زوو سەرجەم بلیتەکانی یارییەکە فرۆشراون و زیاتر لە 30 هەزار هاندەر ئەمڕۆ لەنێو یاریگادا پاڵپشتیی ئامەدسپۆر دەکەن.


لە یارییەکەدا، بەهۆی ئەوەی بۆ سێ یاریی سزادراوە، ساموێل بالێت، هێرشبەری ئامەدسپۆر بەشداری لە یارییەکەدا ناکات، بەڵام یاریزانەکانی دیکە بە ورەیەکی بەرزەوە ئامادەن و چاویان لە بردنەوەیە.


کەسک و سوور لەم وەرزەی سوپەرلیگدا، لە 11 یاریی رابردوودا 7 سەرکەوتنی بەدەستهێناوە، لە 2 یارییدا یەکسانبووە و 2 یاریی دۆڕاندووە، 28 گۆڵی تۆمارکردووە و خاوەنی دووەم بەهێزترین هێڵی هێرشبەرە لە خولەکەدا.


ئامەدسپۆر ئێستا لە پلەی سێیەمی ریزبەندی خولەکەیە بە کۆکردنەوەی 23 خاڵ و دەیەوێت سوود لە یاریگای خۆی وەربگرێت بۆ ئەوەی لە پلەکانی پێشەوەی ریزبەند دوورنەکەوێتەوە.


ریزەسپۆر ئەنجامەکانی خراپ نین، لەم وەرزەدا 4 سەرکەوتنی لە 11 یارییدا بەدەستهێناوە، لە 2 یارییدا یەکسانبووە و 5 جار دۆڕاوە، تیپەکە لە پلەی یازدەیەمی ریزبەندی خولەکەیە بە کۆکردنەوەی 14 خاڵ.


ئەوەی سەرنجڕاکێشە، یانەکە لە چوار سەرکەوتنەکەی کە لەم وەرزەدا بەدەستهێناون، سێ یارییان لە دەرەوەی یاریگای خۆی بووە، بۆیە ئامەدسپۆر پێویستە کار لەسەر ئەم وردەکارییەی یارییەکە بکات.



بابەتی پەیوەندیدار

گرژی لەنێوان هاندەرانی یانەکانی هەولێر و دهۆک دروستبوو
وەرزش20-11-2026

گرژی لەنێوان هاندەرانی یانەکانی هەولێر و دهۆک دروستبوو

کلاسیکۆی کوردستان بە یەکسانبوون کۆتاییهات و زاخۆ بە خاڵیک رازی بوو
وەرزش20-11-2026

کلاسیکۆی کوردستان بە یەکسانبوون کۆتاییهات و زاخۆ بە خاڵیک رازی بوو

مۆرینیۆ بۆ ڤینیسیۆس: نەدەبوو ئەو قسانە بکەیت
وەرزش20-11-2026

مۆرینیۆ بۆ ڤینیسیۆس: نەدەبوو ئەو قسانە بکەیت

پێشنیازەکان

ئەمەنەش ببینە