کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

ئەم وێنە درۆنییە، تانکێکی مینماڵێنی بەشی ئەندازیاریی سەربازیی وەزارەتی بەرگریی سوریا نیشان دەدات لە کاتی بەشداریکردنی لە مەشق و ئۆپراسیۆنێکی پاککردنەوەی مین لە ناوچەی قەرە لە گوندەواری دیمەشق لە 23ی ئابی 2026. وێنە: بەکر قاسم/فرانس پرێس

ئەم وێنە درۆنییە، تانکێکی مینماڵێنی بەشی ئەندازیاریی سەربازیی وەزارەتی بەرگریی سوریا نیشان دەدات لە کاتی بەشداریکردنی لە مەشق و ئۆپراسیۆنێکی پاککردنەوەی مین لە ناوچەی قەرە لە گوندەواری دیمەشق لە 23ی ئابی 2026. وێنە: بەکر قاسم/فرانس پرێس

سووریا

هێزەکانی ئیسرائیل هەڵدەکوتنە سەر دوو گوندی قونەیترە لە باشووری سووریا

بژار زوبێر

بژار زوبێر

27-08-2026
گوێبگرە
0:00
0:00
قەبارەی دەق
بژار زوبێر، لە ساڵی 2020ـەوە وەکو هەواڵساز، وەرگێڕ و پرۆدیوسەر لە بەشی نێودەوڵەتیی تۆڕی میدیایی رووداو کار دەکات. پێش ئەوە، وەک فریلانسەر لەگەڵ نیویۆرک تایمز، جەزیرە، گۆڤاری وایرد و چەندین ئاژانسی دیکەدا کاری کردووە. لە راپۆرتەکانیدا زیاتر کار لەسەر دۆخی رۆژهەڵاتی نێوەڕاست، سیاسەتی دەرەوەی ئەمریکا و بابەتە تەکنەلۆجی و زانستییەکان دەکات.
بژار زوبێر
بژار زوبێر27-08-2026
بژار زوبێر، لە ساڵی 2020ـەوە وەکو هەواڵساز، وەرگێڕ و پرۆدیوسەر لە بەشی نێودەوڵەتیی تۆڕی میدیایی رووداو کار دەکات. پێش ئەوە، وەک فریلانسەر لەگەڵ نیویۆرک تایمز، جەزیرە، گۆڤاری وایرد و چەندین ئاژانسی دیکەدا کاری کردووە. لە راپۆرتەکانیدا زیاتر کار لەسەر دۆخی رۆژهەڵاتی نێوەڕاست، سیاسەتی دەرەوەی ئەمریکا و بابەتە تەکنەلۆجی و زانستییەکان دەکات.

بابەتی پەیوەندیدار

کەسێک لە سووریا خێزانەکەی لە ماڵ دەرکرد و لەکاتی رووبەڕووبوونەوەدا لەگەڵ پۆلیس کوژرا
سووریا18-11-2026

کەسێک لە سووریا خێزانەکەی لە ماڵ دەرکرد و لەکاتی رووبەڕووبوونەوەدا لەگەڵ پۆلیس کوژرا

شەڕی ناسنامە و زمان؛ شاندەکەی دیمەشق لە قامشلۆ گەمارۆ درا و 25 خوێندکار بریندار بوون
سووریا16-11-2026

شەڕی ناسنامە و زمان؛ شاندەکەی دیمەشق لە قامشلۆ گەمارۆ درا و 25 خوێندکار بریندار بوون

خوشکی شەڕڤانێک: براکەم دوو ساڵە لە زیندانەکانی حکومەتی سووریایە و تەندروستیی باش نییە
سووریا16-11-2026

خوشکی شەڕڤانێک: براکەم دوو ساڵە لە زیندانەکانی حکومەتی سووریایە و تەندروستیی باش نییە

رووداو دیجیتاڵ 


درەنگانی شەوی پێنجشەممە 27ی ئاب، زرێپۆش و ئۆتۆمبێلە سەربازییەکانی ئیسرائیل چوونە نێو گوندی (بریقە) لە سنووری پارێزگەی قونەیترەی باشووری سووریا، هاوکات لەگەڵ هەڵمەتێکی پشکنینی ماڵان لە گوندی (رەسم عەجرەف) لە گوندەواری هەمان پارێزگە.


میدیای فەرمیی سووریا بڵاویکردەوە، هێزەکانی ئیسرائیل بە دوو گوللـەتۆپ ناوچەی نێوان شارۆچکەی (بەیت جن) و (تەلال حومر)ـیان لە گوندەواری رۆژئاوای دیمەشق کردووەتە ئامانج.

میدیاکە ئاماژەی بەوە کردووە کە "هێزەکانی داگیرکاریی ئیسرائیل بە زرێپۆش و ئۆتۆمبێلی سەربازییەوە دەچنە نێو گوندی بریقە لە گوندەواری باشووری قونەیترە."

هەروەها بڵاویکردووەتەوە: "هێزەکانی داگیرکاریی ئیسرائیل هەڵمەتێکی پشکنینی ماڵان لە گوندی رەسم عەجرەف لە گوندەواری باشووری قونەیترە دەستپێکردووە."

لە هەواڵێکی دیکەشدا کە دواتر بڵاویکردووەتەوە، دەڵێت: "هێزەکانی داگیرکاریی ئیسرائیل بە دوو گولـلەتۆپ ناوچەی نێوان شارۆچکەی بەیت جن و تەلال حومر لە گوندەواری رۆژئاوای دیمەشق دەکەنە ئامانج."

تاوەکو ئێستا قەبارەی زیانە گیانی و ماددییەکانی ئەم هێرش و جووڵە سەربازییە روون نین، هەروەها دەسەڵاتدارانی سووریاش هیچ لێدوانێکی فەرمییان لەسەر ئەو سێ رووداوە نەداوە.

ناوچەکانی باشووری سووریا بەردەوام رووبەڕووی سنووربەزاندنی زەوینی و هێرشی ئیسرائیل دەبنەوە، بەتایبەتی لە هەردوو پارێزگای قونەیترە و دەرعا؛ کە هەڵمەتی هەڵکوتانەسەر، پشکنین، دەستگیرکردن و دانانی خاڵی پشکنینی سەربازی لەخۆدەگرن.

بەرەبەیانی رۆژی 18ـی ئابی ئەمساڵیش، فڕۆکە جەنگییەکانی ئیسرائیل 8 هێرشی ئاسمانییان کردە سەر رێڕەوی فڕینی فڕۆکەخانەی سەربازیی ئەبو زوهوور لە پارێزگای ئیدلب لە باکووری رۆژئاوای سووریا، کە بەهۆیەوە زیان بە ژێرخانی فڕۆکەخانەکە گەیشت.

رۆژی 26ـی تەممووزی رابردوو، ئەحمەد شەرع، سەرۆککۆماری قۆناخی راگوزەری سووریا رایگەیاند، وڵاتەکەی بە بەشداریی چەند وڵاتێک کار دەکات بۆ واژۆکردنی رێککەوتنێکی ئەمنی لەگەڵ ئیسرائیل. گوتیشی: "ئەگەر رێککەوتنەکە سەربگرێت، ئەوا رێگە خۆش دەکات بۆ ئاشتییەکی گشتگیر، بەبێ ئەوەی دەستبەرداری مافی سووریا بین لە گۆلانی داگیرکراودا."

لە ساڵی 1967ـەوە، ئیسرائیل بەشێکی زۆری رووبەری گۆلانی داگیرکردووە. دوای رووخانی دەسەڵاتی بەشار ئەسەدیش لە کۆتایی ساڵی 2024، ئیسرائیل هەڵوەشاندنەوەی رێککەوتنی "لێکجیاکردنەوەی هێزەکان"ـی راگەیاند کە لە ساڵی 1974 واژۆ کرابوو؛ بەمەش ناوچەی دابڕاوی نێوان هەردوو وڵات و چەندین پێگەی دیکەی لەنێو خاکی سووریا داگیرکرد، لەنێویاندا دیوی سووریای چیای حەرەموون.


بابەتی پەیوەندیدار

کەسێک لە سووریا خێزانەکەی لە ماڵ دەرکرد و لەکاتی رووبەڕووبوونەوەدا لەگەڵ پۆلیس کوژرا
سووریا18-11-2026

کەسێک لە سووریا خێزانەکەی لە ماڵ دەرکرد و لەکاتی رووبەڕووبوونەوەدا لەگەڵ پۆلیس کوژرا

شەڕی ناسنامە و زمان؛ شاندەکەی دیمەشق لە قامشلۆ گەمارۆ درا و 25 خوێندکار بریندار بوون
سووریا16-11-2026

شەڕی ناسنامە و زمان؛ شاندەکەی دیمەشق لە قامشلۆ گەمارۆ درا و 25 خوێندکار بریندار بوون

خوشکی شەڕڤانێک: براکەم دوو ساڵە لە زیندانەکانی حکومەتی سووریایە و تەندروستیی باش نییە
سووریا16-11-2026

خوشکی شەڕڤانێک: براکەم دوو ساڵە لە زیندانەکانی حکومەتی سووریایە و تەندروستیی باش نییە

پێشنیازەکان

ئەمەنەش ببینە