کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

باڵيخانەی ئاژانسی دادی یەکێتیی ئەورووپا

باڵيخانەی ئاژانسی دادی یەکێتیی ئەورووپا

جیهان

ئاژانسی دادی یەکێتیی ئەورووپا بۆ رووداو: رێککەوتنمان لەگەڵ عێراق هەیە بۆ سزادانی چەکدارە بیانییەکانی داعش

نیاز مستەفا

نیاز مستەفا

15-08-2026
گوێبگرە
0:00
0:00
قەبارەی دەق
نیاز مستەفا هەواڵسازە لە تۆڕی میدیایی رووداو. ئەو لە بەشی نێودەوڵەتی کار دەکات و تیشک دەخاتە سەر کاروباری نێودەوڵەتی و ئەو رووداوە جیهانییانەی کە جێگەی بایەخی خەڵکن لە کوردستان، عێراق، ناوچەکە و هەموو جیهان. خاوەنی سێ ساڵ ئەزموونە لەم بوارەدا. نیاز مستەفا بڕوانامەی بەکالۆریۆسی لە ئەندازیاریی وزە لە زانکۆی ئەمریکی لە عێراق - سلێمانی (AUIS) و بڕوانامەی ماستەری لە سیاسەت و پەیوەندییە نێودەوڵەتییەکان لە زانکۆی کوردستان- هەولێر (UKH) هەیە.
نیاز مستەفا
نیاز مستەفا15-08-2026
نیاز مستەفا هەواڵسازە لە تۆڕی میدیایی رووداو. ئەو لە بەشی نێودەوڵەتی کار دەکات و تیشک دەخاتە سەر کاروباری نێودەوڵەتی و ئەو رووداوە جیهانییانەی کە جێگەی بایەخی خەڵکن لە کوردستان، عێراق، ناوچەکە و هەموو جیهان. خاوەنی سێ ساڵ ئەزموونە لەم بوارەدا. نیاز مستەفا بڕوانامەی بەکالۆریۆسی لە ئەندازیاریی وزە لە زانکۆی ئەمریکی لە عێراق - سلێمانی (AUIS) و بڕوانامەی ماستەری لە سیاسەت و پەیوەندییە نێودەوڵەتییەکان لە زانکۆی کوردستان- هەولێر (UKH) هەیە.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"


رووداو دیجیتاڵ

ئاژانسی دادی یەکێتیی ئەورووپا (Eurojust) رایگەیاند، عێراق بووەتە هاوبەشێکی ستراتیژیی گرنگی ئەورووپا بۆ رووبەڕووبوونەوەی تیرۆر و تاوانی رێکخراو. ئاشکراشی دەکات کە رێککەوتنێکی نوێی کارکردن لە نێوان هەردوولادا هەیە بۆ ئاڵوگۆڕی زانیاریی دادوەری و سزادانی ئەو چەکدارە بیانییانەی داعش کە تێوەگلاون لە تاوانی نێودەوڵەتی و جینۆساید.


نووسینگەی راگەیاندنی ئاژانسی دادی یەکێتیی ئەورووپا، لە وەڵامی ئیمەیڵێکی نیاز مستەفا، ئیدیتۆر لە بەشی نێودەوڵەتیی رووداو، رایگەیاند: "ئەو رێککەوتنی کارکردنەی لەگەڵ سەنتەری نیشتمانیی عێراق بۆ هاوکاریی دادوەریی نێودەوڵەتی واژۆکراوە، 13ـەمین رێککەوتنی لەو شێوەیەیە لەگەڵ وڵاتێکی دەرەوەی یەکێتییەکە." ئاژانسەکە ئاماژە بەوە دەکات کە تاوانە مەترسیدارەکان سنوور ناناسن، بۆیە هاوکاریی دادی نێودەوڵەتی، لەم کاتەدا لە هەر کاتێک گرنگترە.

چوارچێوەیەکی یاسایی بۆ لێپرسینەوە

بەگوێرەی وەڵامی ئاژانسەکە بۆ رووداو، ئەم رێککەوتنە کە لە 30ـی حوزەیرانی 2026 واژۆکراوە و ئێستا لە قۆناخی جێبەجێکردندایە، رێگە بە داواکارانی گشتیی ئەورووپا دەدات دەستیان بە هاوتا دادوەرییە باوەڕپێکراوەکانیان لە عێراق بگات. ئەمەش پرۆسەی ئاڵوگۆڕی زانیارییەکان خێراتر دەکات و هاوئاهەنگیی نێوان داواکارانی گشتی باشتر دەکات بۆ ئەو لێکۆڵینەوانەی پەیوەندییان بە هەردوولاوە هەیە.

ئەم هەنگاوە دوای ئەوە دێت کە لە ئەیلوولی 2024 تیمی لێکۆڵینەوەی نەتەوە یەکگرتووەکان (یونیتاد) داخرا، لەو کاتەوە سەنتەری نیشتمانیی عێراق بۆ هاوکاریی دادوەریی نێودەوڵەتی بووەتە سەرچاوە و کۆگای سەرەکیی بەڵگەنامەکانی تاوانەکانی داعش.

بەڵگەکان بۆ سزادانی چەکدارە بیانییەکان

ئاژانسی دادی ئەورووپا جەخت دەکاتەوە کە ئەو بەڵگانەی ئێستا لەلایەن دەسەڵاتدارانی عێراقەوە بەڕێوەدەبرێن، بریتین لە شایەتحاڵیی قوربانییان، زانیارییە دیجیتاڵییەکان و ئەنجامی پشکنینە تاقیگەییەکان. ئەمانەش بنەڕەتین بۆ ئەوەی وڵاتانی ئەورووپا بتوانن "چەکدارە تیرۆریستە بیانییەکان بە تۆمەتی تاوانی نێودەوڵەتی و جینۆساید رووبەڕووی دادگا بکەنەوە."

مایکڵ شمید، سەرۆکی ئاژانسی دادی یەکێتیی ئەورووپا لە کاتی واژۆکردنی رێککەوتنەکەدا رایگەیاندووە: "ئەزموون پێشانی داوە کە هیچ وڵاتێک ناتوانێت بەتەنیا لە پرۆسەی لێپرسینەوە لە تاوانە تیرۆریستییەکان سەرکەوتوو بێت." هاوکات دادوەر عەلی حوسێن چەفات، نوێنەری ئەنجوومەنی باڵای دادوەریی عێراق، ئاماژەی بەوە کردووە، ئەم هەنگاوە رەنگدانەوەی متمانەی دوولایەنەیە بۆ کۆتاییهێنان بە دیاردەی "دەربازبوون لە سزا."

تەنیا تیرۆر نییە؛ تاوانی رێکخراویش دەگرێتەوە

لە بەشێکی دیکەی وەڵامەکەیدا بۆ رووداو، ئاژانسەکە ئاشکرای دەکات کە هاوئاهەنگییەکە تەنیا بۆ پرسی تیرۆر نییە، بەڵکو رووبەڕووبوونەوەی ئەو ئەندامانەی پێشووی داعشیش دەگرێتەوە کە ئێستا تێوەگلاون لە تاوانی رێکخراوی نێودەوڵەتی، وەک قاچاخی ماددە هۆشبەرەکان، کە وەک سەرچاوەیەک بۆ دابینکردنی داهاتی چالاکییە تیرۆریستییەکانیان بەکاری دەهێنن.

ئاژانسی دادی ئەورووپا داوا لە وڵاتانی ئەندام دەکات، بۆ هەر داواکارییەکی زانیاری یان هاوکاریی یاسایی لەگەڵ عێراق، راستەوخۆ پەیوەندی بە ئاژانسەکەوە بکەن تاوەکو لە رێگەی کەناڵە فەرمییەکانەوە کارەکان رێکبخرێن.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە