کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنەکە بە ژیریی دەستکرد دروستکراوە و بۆ روونکردنەوەی هەواڵەکەیە

وێنەکە بە ژیریی دەستکرد دروستکراوە و بۆ روونکردنەوەی هەواڵەکەیە

جیهان

ئەڵمانیا ناوەندێکی نوێی تایبەت بە لێکۆڵینەوە لە رووبەڕووبوونەوەی هێرشە درۆنییەکان دەکاتەوە

بەشدار موزەفەر

بەشدار موزەفەر

18-08-2026
گوێبگرە
0:00
0:00
قەبارەی دەق
بەشدار موزەفەر
بەشدار موزەفەر18-08-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ


ئەڵمانیا ناوەندێکی توێژینەوەی تایبەت بە رووبەڕووبوونەوەی هێرشی درۆنی کردەوە.


کردنەوەی ئەم نێوەندە لە فڕۆکەخانەیەکی سەردەمی یەکێتیی سۆڤیەت لە رۆژهەڵاتی ئەڵمانیا، کەمتر لە دوو هەفتە دوای دۆزینەوەی درۆنێکی بۆمبڕێژکراو دێت لە فڕۆکەخانەی لایپزیگ، کە ناوەندێکی سەرەکیی لۆجستییە بۆ ناردنی چەک بۆ ئۆکراینا.

لە چەندین شوێنی دیکەی وەک بنکە سەربازییەکان و فڕۆکەخانەکان، بینینی درۆنەکان زیادی کردووە. گومانەکان زۆرتر بۆ رووسیا دەچن، بەهۆی پشتگیریی بەردەوامی ئەڵمانیا بۆ ئۆکراینا لە شەڕی دژی مۆسکۆدا، هەرچەندە رووسیا بەردەوام تێوەگلانی لەو جۆرە ئۆپەراسیۆنانە رەتکردووەتەوە.

ئەلێکساندەر دۆبرینت، وەزیری ناوخۆی ئەڵمانیا لە کاتی کردنەوەی نێوەندەکەدا گوتی: "ئێمە بە شێوەیەکی بەرچاو توانای خۆمان بۆ وەڵامدانەوەی درۆنە دووژمنکارەکان بەهێز دەکەین؛" ئاماژەی بەوەش کرد کە ئەو ناوەندە گرنگی بە دۆزینەوە و ناسینەوەی درۆنەکان دەدات. 

وەزیری ناوخۆ لەو فڕۆکەخانە بازرگانییە کۆنەی هەکلینگن، کە نزیکەی 200 کیلۆمەتر لە باشووری بەرلینەوە دوورە، ئەوەشی خستەڕوو کە ناوەندەکە "دەبێتە توخمێکی سەرەکیی پێکهاتەی ئەمنی لە رووبەڕووبوونەوەی ئەو هەڕەشە تێکەڵاوانەی درۆنەکان دروستیان دەکەن."

بەرلین، زاراوەی "هەڕەشەی تێکەڵاو" بۆ ئاماژەدان بە کردەوەی دووژمنکارانە بەکاردەهێنێت کە ناگاتە ئاستی هێرشی سەربازیی روون و ئاشکرا، لەوانەش سیخوڕی، سووتاندن و تێکدان، لەلایەن یان لەبریی هێزێکی بیانییەوە.

بەگوێرەی ئامارەکانی پۆلیس، ساڵی رابردوو نزیکەی 1000 درۆنی گومانلێکراو بەسەر دامەزراوە هەستیارەکانی ئەڵمانیادا فڕیون. دۆبرینت هۆشداری دا کە دۆزینەوەی تەقەمەنی لە لایپزیگ لە سەرەتای ئەم مانگەدا یەکەم دۆخی لەو جۆرە نەبووە و گوتی: "لایپزیگ بەشێکە لە وێنەیەکی گەورەتر، دۆخی هەڕەشەکان تووندتر بووە."

"پێویستمان بە رێکاری دۆزینەوەیە"

تاوەکو ئێستا بەرلین رەتیکردووەتەوە لێدوان لەسەر پاڵنەر یان ناسنامەی ئەو لایەنانە بدات کە لە پشت رووداوەکەی لایپزیگ بوون. لەو رووداوەدا گەشتە ئاسمانییەکان بۆ چەند کاژێرێک راگیران و پۆلیس رۆبۆتی هەڵگرتنەوەی بۆمبی بۆ پووچەڵکردنەوەی تەقەمەنییەکە بەکارهێنا.

فڕۆکەخانەی لایپزیگ رۆڵێکی سەرەکی لە گواستنەوەی کەرەستەی سەربازیی سوپای ئەڵمانیا و هاوپەیمانانی ناتۆ دەگێڕێ، هەروەها وەک بنکەیەک بۆ هێڵە ئاسمانییەکانی (ئەنتۆنۆڤ)ـی ئۆکراینی خزمەت دەکات.

ئانکە کایسەر پیزالا، سەرۆکی ئاژانسی توێژینەوەی ناوەندی ئاسمانیی ئەڵمانیا دەڵێ، ناوەندە نوێیەکە سەرنجی لەسەر دۆزینەوەی درۆن دەبێت؛ گوتیشی، کاتێک درۆنێک دەدۆزرێتەوە، پێویستە بزانرێ "ئایا کامێرای پێیە یان تەقەمەنی." 

نزیکەی 65 کەس لەو ناوەندەدا کاردەکەن. دانیال نیسلەر، لە سەندیکای فڕۆکەوانانی ئەڵمانیا، رایگەیاند کە دەبێت ئەڵمانیا تواناکانی دۆزینەوە بەهێز بکات و گوتی: "پێش گرتنەبەری رێکاری بەرگری، رێکاری دۆزینەوە هەیە، کە ئێستا لە ئارادا نین."

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە