کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

Article hero image
جیهان

بوومەلەرزەیەکی مامناوەند ژاپۆنی هەژاند و زیاتر لە 30 کەس بریندار بوون

بژار زوبێر

بژار زوبێر

23-08-2026
گوێبگرە
0:00
0:00
قەبارەی دەق
بژار زوبێر، لە ساڵی 2020ـەوە وەکو هەواڵساز، وەرگێڕ و پرۆدیوسەر لە بەشی نێودەوڵەتیی تۆڕی میدیایی رووداو کار دەکات. پێش ئەوە، وەک فریلانسەر لەگەڵ نیویۆرک تایمز، جەزیرە، گۆڤاری وایرد و چەندین ئاژانسی دیکەدا کاری کردووە. لە راپۆرتەکانیدا زیاتر کار لەسەر دۆخی رۆژهەڵاتی نێوەڕاست، سیاسەتی دەرەوەی ئەمریکا و بابەتە تەکنەلۆجی و زانستییەکان دەکات.
بژار زوبێر
بژار زوبێر23-08-2026
بژار زوبێر، لە ساڵی 2020ـەوە وەکو هەواڵساز، وەرگێڕ و پرۆدیوسەر لە بەشی نێودەوڵەتیی تۆڕی میدیایی رووداو کار دەکات. پێش ئەوە، وەک فریلانسەر لەگەڵ نیویۆرک تایمز، جەزیرە، گۆڤاری وایرد و چەندین ئاژانسی دیکەدا کاری کردووە. لە راپۆرتەکانیدا زیاتر کار لەسەر دۆخی رۆژهەڵاتی نێوەڕاست، سیاسەتی دەرەوەی ئەمریکا و بابەتە تەکنەلۆجی و زانستییەکان دەکات.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ 


بەرەبەیانی رۆژی یەکشەممە، بوومەلەرزەیەکی مامناوەند ناوچەکانی رۆژهەڵاتی ژاپۆنی هەژاند، لەنێویاندا شاری تۆکیۆی پایتەخت. بەرپرسان دەڵێن بەهۆی رووداوەکەوە زیاتر لە 30 کەس بریندار بوون کە برینی زۆربەیان سووکە و هیچ مەترسییەکی دروستبوونی سوونامی لە ئارادا نییە.


بەپێی دەستەی کەشوهەوای ژاپۆن، گوڕی بوومەلەرزەکە 5.9 پلەی رێختەر بووە و چەقەکەی لە قووڵایی 70 کیلۆمەتردا بووە لە باشووری پارێزگای ئیباراکی. لە کاتێکدا سەنتەری رووپێویی جیۆلۆجیی ئەمریکا گوڕەکەی بە 5.8 پلە تۆمار کردووە.

دەزگای بەڕێوەبردنی کارەسات و ئاگرکوژێنەوەی ژاپۆن رایگەیاند، لانیکەم 37 کەس لە پێنج پارێزگای جیاوازی ناوچەکە بریندار بوون؛ کە 15 کەسیان لە تۆکیۆ، 9 لە سایتاما، 8 لە کاناگاوا، 4 لە چیبا و یەک کەسیش لە ئیباراکی بووە.

زۆربەی بریندارەکان بەهۆی ئەوەوە بووە کە لە کاتی خەودا بوومەلەرزەکە ترساندوونی و لەپڕ هەستاونەتەوە، بەو هۆیەوە کەوتوون یان خۆیان کێشاوە بە دەرگا و کەلوپەلەکانی ماڵەوەدا. بۆ نموونە؛ ژنێکی تەمەن 80 ساڵان لە شاری یۆکۆهاما لەسەر جێگەکەی کەوتووەتە خوارەوە و بەسەختی قاچ و حەوزی بریندار بووە.

گەنجێکی تەمەن 23 ساڵ کە لە کاتی رووداوەکەدا لە ناوەندێکی بازرگانی بووە لە تۆکیۆ، دەڵێت تەنیا چەند چرکەیەک دوای ئەوەی مۆبایلەکەی زەنگی ئاگادارکردنەوەی بوومەلەرزەی لێداوە، هەستی بە لەرزینێکی قورس کردووە و ترساوە شتومەکی نێو مارکێتەکەی بەسەردا بکەوێت.

بەهۆی بوومەلەرزەکەوە، ئەو شەمەندەفەرە خێرایانەی دەچنە فڕۆکەخانەی ناریتا و هێڵە ناوخۆییەکانی دیکە کەمێک دواکەوتن، بەڵام شەمەندەفەرە خێراکان کە پێیان دەگوترێت "شەمەندەفەری گوللـەئاسا" بێ کێشە بەردەوام بوون لە کارەکانیان.

لە رۆژهەڵاتی تۆکیۆ بۆرییەکی ژێر زەوی تەقی و ئاوێکی زۆر رژایە سەر شەقامەکە، بەڵام بەپەلە چاککرایەوە.

دەستەی رێکخستنی ئەتۆمی دڵنیایی دا کە هیچ زیانێک بەر وێستگە ئەتۆمییەکانی ئەو ناوچەیە نەکەوتووە.

سەنای تاکایچی، سەرۆکوەزیرانی ژاپۆن لە پۆستێکی تۆڕی کۆمەڵایەتیی ئێکسدا رایگەیاند، دەستەیەكی فریاگوزارییان پێکهێناوە بۆ هەڵسەنگاندنی زیانەکان. لەلایەکی دیکەشەوە دەستەی کەشوهەوا داوای لە هاووڵاتییان کرد بۆ ماوەی هەفتەیەک وریابن، چونکە ئەگەری هەیە بوومەلەرزەیەکی دیکەی مامناوەند رووبدات.

مانگی رابردوو بوومەلەرزەیەکی زۆر بەهێز بە گوڕی 7.1 پلەی رێختەر دوورگەی کیووشووی لە باشووری ژاپۆن هەژاند، کە بەهۆیەوە 38 کەس گیانیان لەدەستدا و 364 کەسیش بریندار بوون.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە