کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

ژنێک سەیری وێنەی بێسەروشوێنبووان دەکات. وێنە: AFP

ژنێک سەیری وێنەی بێسەروشوێنبووان دەکات. وێنە: AFP

جیهان

ژمارەی گیانلەدەستدان بەهۆی لافاوەکەی نیپاڵ بۆ 797 کەس بەرزبووەوە

تەنیا ئەحمەد

تەنیا ئەحمەد

30-08-2026
گوێبگرە
0:00
0:00
قەبارەی دەق
تەنیا ئەحمەد
تەنیا ئەحمەد30-08-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ

دەسەڵاتی بەڕێوەبردنی کارەساتەکان لە نیپاڵ رایگەیاند، ژمارەی ئەو کەسانەی بەهۆی لافاوە وێرانکەرەکەی وڵاتەکەیانەوە گیانیان لەدەستداوە بۆ 797 کەس بەرزبووەوە. هاوکات لەگەڵ بەردەوامیی گەڕان بەدوای رزگاربوواندا، ئاماری بێسەروشوێنبووان لەسەر سنووری نێوان نیپاڵ و چین گەیشتووەتە زیاتر لە سێ هەزار کەس.


دوای ئەو کارەساتەی رۆژی چوارشەممە ناوچەی هیمالایای گرتەوە، تادێت قەبارەی زیانەکان زیاتر دەردەکەون. دەسەڵاتدارانی نیپاڵ و چین رایانگەیاندووە، بەگشتی سێ هەزار و 48 کەس بێسەروشوێنن.

نیپاڵ دەڵێ، دوو هەزار و 502 کەس بێسەروشوێنن، کە 592ـیان بیانین. لەلایەکی دیکەوە، تەلەڤیزیۆنی فەرمیی چین بڵاویکردەوە، لە هەرێمی تبت 16 کەس گیانیان لەدەستداوە و 546 کەسی دیکەش بێسەروشوێنن، کە 261 کەسیان بیانین.

پێدەچێت زیاتر لە 100 کرێکار لەنێو چەندین توونێلی وێستگەکانی کارەباوە گیریان خواردبێت. سوپای نیپاڵ لە رێگەی بۆرییەوە هەوای بۆ نێو یەکێک لە توونێلەکان لە وێستگەی کارەبای (تریشولی 3A) ناردووە، تیمەکانی فریاگوزاریش بە بەکارهێنانی تەقەمەنی و هەڵکۆڵین چوار کونیان بۆ چوونەخوارەوە کردووەتەوە بۆ رزگارکردنیان. 

ئەو کرێکارانە بەشێکن لەو 933 کرێکارە بێسەروشوێنەی پرۆژەکانی کارەبا کە لافاوەکە رایماڵین. ئێستا تیمە تایبەتەکانی هیندستان، چین و کۆریای باشووریش بەشداریی پرۆسەی رزگارکردنەکە دەکەن.

لە نزیک سنووری تبت، بەهۆی رۆچوونی زەوییەوە دەریاچەیەکی نوێ دروستبووە، ئەمەش رێگری لە پرۆسەکانی فریاگوزاری و گواستنەوەی تیمەکان بۆ ناوچەی سەلامەتتر کردووە.

سەبارەت بە هۆکاری کارەساتەکە، دەستەی رووپێویی جیۆلۆجیی ئەمریکا (USGS) و شارەزایانی چین ئاماژە بەوە دەکەن، هەرەسی سەهۆڵبەندانێک لە قەدپاڵی باشووری لووتکەی لیرونگ لە نیپاڵ هۆکاری سەرەکی بووە. لەم بارەیەوە، سایمۆن ستیل، بەرپرسی کەشوهەوا لە نەتەوە یەکگرتووەکان هۆشداریدا، ئەمە "بیرهێنانەوەیەکی وێرانکەرە بۆ ئەوەی بزانین ژینگەی ئەم چیایانە چەندە ناسکن."

شیشیر خانال، وەزیری دەرەوەی نیپاڵ رایگەیاند، تێچووی ئاوەدانکردنەوەی وڵاتەکە پێویستی بە "ملیاران دۆلار" دەبێت و داوای هاوکاریی نێودەوڵەتی کرد. خاچی سوور مەزەندە دەکات، نزیکەی 93 هەزار کەس بەهۆی کارەساتەکەوە زیانمەند بوون.

تاوەکو ئێستا چەندین وڵات و رێکخراو بەدەم داواکەی نیپاڵەوە چوون، لەوانە: ئەمریکا و کەنەدا هەریەکەیان 3.6 ملیۆن دۆلار هاوکاری دەنێرن. بەریتانیا 6.8 ملیۆن دۆلار هاوکاری پێشکێش دەکات. نەتەوە یەکگرتووەکان و یەکێتیی ئەورووپا پێکەوە نزیکەی 4.8 ملیۆن دۆلار دابین دەکەن. مالیزیا تیمێکی تایبەتی گەڕان (SMART) و ملیۆنێک دۆلار رەوانە دەکات.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە