کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

پیت هێگسەس، وەزیری جەنگی ئەمریکا . وێنە:AFP

پیت هێگسەس، وەزیری جەنگی ئەمریکا . وێنە:AFP

جیهان

واشنتن پۆست: جەنگی ئێران هێزی دەریایی ئەمریکای ئیفلیج کردووە

هەکار عەلی

هەکار عەلی

31-08-2026
گوێبگرە
0:00
0:00
قەبارەی دەق
هەکار عەلی
هەکار عەلی31-08-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ

فەرماندە و سەرکردە باڵاکانی سەربازیی ئەمریکا هۆشداری دەدەنە وەزیری جەنگی ئەمریکا کە بەردەوامبوونی ئۆپەراسیۆنە سەربازییە بەرفراوانەکان دژی ئێران لێکەوتەی مەترسیداری هەیە و توانای ئەمریکا بۆ رووبەڕووبوونەوەی هەڕەشەکانی دیکە و پاراستنی خاکی ئەمریکا لاواز دەکات.


رۆژی یەکشەممە، 30ـی ئابی 2026، رۆژنامەی واشنتن پۆستی ئەمریکی لەسەر بنەمای هەڵسەنگاندنێکی نهێنی لە راپۆرتی 14ـی ئابی "پەڕاوی فەرمانەکانی" وەزیری جەنگ ئاشکرای کرد، سەرکردەی هێزەکانی وشکانی، دەریایی و ئاسمانیی ئەمریکا لەگەڵ فەرماندەی هێزە ئەمریکییەکان لە ئەورووپا، ئاسیا و ئەمریکای لاتین، بە راشکاوی بە وەزیری جەنگیان گوتووە بەردەوامیی جەنگی ئێران بۆ ماوەی شەش مانگ لە رادەبەدەر زۆر بووە و ماوەیەکی درێژی خایاندووە.

رەتکردنەوەی فەرمانەکانی وەزیری جەنگ لەلایەن فەرماندەکانەوە

بەپێی بەڵگەنامە نهێنییەکە، فەرماندەی هێزەکانی ئەمریکا لە ئەورووپا، ئاسیا (پاسفیک)، ئەمریکای باشوور و فەرماندەی باڵای هێزی دەریایی هەڵوێستی فەرمیی خۆیان لەبارەی بڕیاری درێژکردنەوەی ماوەی جێگیرکردنی هێزەکانیان لە رۆژهەڵاتی نێوەڕاست ئاراستەی پیت هێگسەس، وەزیری جەنگی ئەمریکا و دان کەین، سەرۆکی دەستەی ئەرکانی هاوبەشی ئەمریکا کردووە، ئەمەش بەهۆی ئەوەی تەرخانکردنی کەشتی، فڕۆکە و کەلوپەلە سەربازییەکان بۆ جەنگی ئێران، توانای ئەوانی لە جێبەجێکردنی ئەرکەکانی بەرگری لە خاکی ئەمریکا و هاوپەیمانەکانی ئیفلیج کردووە.

هەروەها سەرکردایەتیی هێزی وشکانی و ئاسمانیش جەختیان کردووەتەوە کە درێژکردنەوەی ماوەی جێگیربوونی هێزەکانیان لە رۆژهەڵاتی نێوەڕاست تاوەکو ساڵی 2027، مەترسییەکی تووندی ستراتیژی بۆ سەر ئامادەیی سوپای ئەمریکا دروست دەکات.

ئیفلیجبوونی هێزی دەریایی و کەمبوونی کەشتییە جەنگییەکان

دارڵ کۆدڵ، فەرماندەی ئۆپەراسیۆنە دەریاییەکانی ئەمریکا رەشبینترین هەڵسەنگاندنی ئاراستەی هێگسەس کردووە و رایگەیاندووە هێزی دەریایی ناتوانێت بەمشێوە و ئاستە لە هاوکاریی هێزەکانی دیکە لە جەنگی ئێران بەردەوام بێت.

کۆدڵ ئاشکرای کردووە کە تەنیا 25%ـی تەواوی کەشتییە وێرانکەرەکانی هێزی دەریایی ئەمریکا لە ئێستادا ئامادەی جێبەجێکردنی ئەرکن، کە دابەزینێکی بێپێشینەیە بەراورد بە بەرلە جەنگەکە.

هەروەها ناردنی دەیان کەشتی بۆ گەمارۆدانی بەندەرەکانی ئێران و تەنگەی هورمز، چاککردنەوەی کەشتییەکانی تووشی ئاستەنگی گەورە کردووە؛ بە رادەیەک تەنیا کەشتیی فڕۆکە هەڵگری ئەمریکا لە ناوچەی پاسفیک کە بۆ راگرتنی هاوسەنگی بەرامبەر چین دانرابوو، رەوانەی رۆژهەڵاتی نێوەڕاست کراوە تاوەکو جێگەی کەشتییەکی دیکە بگرێتەوە کە زیاتر لە 250 رۆژ لە ئەرکدا بوو.

وەڵامی پێنتاگۆن و رەتکردنەوەی دەنگۆکان

لە وەڵامی ئەم بڵاوکراوانەدا، شۆن پارنێڵ، گوتەبێژی پیت هێگسەس لە وەزارەتی جەنگی ئەمریکا رایگەیاند کە بڕیارەکان لەسەر بنەمای هەڵسەنگاندنی مەترسییەکان و ئەولەویەتەکانی سەرۆک ترەمپ دەدرێن.

پەڕاوی فەرمانەکانی وەزارەتی جەنگ (SDOB) بەڵگەنامەیەکی زۆر نهێنییە کە دوو هەفتە جارێک ئامادە دەکرێت و تەواوی توانای ئامادەیی کەشتی، فڕۆکە، چەک و هێزەکانی ئەمریکا لە جیهاندا دەخاتە روو.

دوای هەڵگیرسانی جەنگی سەربازی لە شوباتی 2026 لەنێوان ئەمریکا، ئیسرائیل و ئێران، ئیدارەی دۆناڵد ترەمپ زیاتر لە 50 هەزار سەربازی لە رۆژهەڵاتی نێوەڕاست جێگیر کرد تاوەکو گەمارۆی دەریایی بەسەر تەنگەی هورمز و بەندەرەکانی ئێراندا بسەپێنێت.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە