کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

گرافیک: دێسکی نێودەوڵەتیی تۆڕی میدیایی رووداو (بە یارمەتیی ژیریی دەستکرد)

گرافیک: دێسکی نێودەوڵەتیی تۆڕی میدیایی رووداو (بە یارمەتیی ژیریی دەستکرد)

جیهان

تاقیکردنەوە؛ ئازادکردنی ژیریی دەستکردی ئەنترۆپیک لە کۆتوبەندی سەلامەتی، کارەسات دەنێتەوە

بژار زوبێر

بژار زوبێر

03-09-2026
گوێبگرە
0:00
0:00
قەبارەی دەق
بژار زوبێر، لە ساڵی 2020ـەوە وەکو هەواڵساز، وەرگێڕ و پرۆدیوسەر لە بەشی نێودەوڵەتیی تۆڕی میدیایی رووداو کار دەکات. پێش ئەوە، وەک فریلانسەر لەگەڵ نیویۆرک تایمز، جەزیرە، گۆڤاری وایرد و چەندین ئاژانسی دیکەدا کاری کردووە. لە راپۆرتەکانیدا زیاتر کار لەسەر دۆخی رۆژهەڵاتی نێوەڕاست، سیاسەتی دەرەوەی ئەمریکا و بابەتە تەکنەلۆجی و زانستییەکان دەکات.
بژار زوبێر
بژار زوبێر03-09-2026
بژار زوبێر، لە ساڵی 2020ـەوە وەکو هەواڵساز، وەرگێڕ و پرۆدیوسەر لە بەشی نێودەوڵەتیی تۆڕی میدیایی رووداو کار دەکات. پێش ئەوە، وەک فریلانسەر لەگەڵ نیویۆرک تایمز، جەزیرە، گۆڤاری وایرد و چەندین ئاژانسی دیکەدا کاری کردووە. لە راپۆرتەکانیدا زیاتر کار لەسەر دۆخی رۆژهەڵاتی نێوەڕاست، سیاسەتی دەرەوەی ئەمریکا و بابەتە تەکنەلۆجی و زانستییەکان دەکات.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ
 

بۆ تاقیکردنەوەی ئاستی مەترسییەکانی تەکنەلۆجیاکە، کۆمپانیای ئەنترۆپیکـی ئەمریکی بە مەبەست مۆدێلێکی ژیریی دەستکردی لە کۆتوبەندەکانی سەلامەتی ئازاد کرد بۆ ئەوەی بزانێت، تەکنەلۆجیاکە چی دەکات. ئەنجامەکان دەریانخستووە، مۆدێلەکە بۆ گەیشتن بە ئامانجەکانی، سیستمی کۆمپانیاکانی هاک کردووە و رێنوێنیی دروستکردنی چەکی بایۆلۆجیشی ئاشکرا کردووە.

مانگی نیسانی ئەمساڵ، مۆدێلێکی دیکەی ژیریی دەستکردی کۆمپانیاکە بەناوی میسۆس (Mythos) لە کاتی تاقیکردنەوەکاندا لە ژینگەی کۆنترۆڵکراوی خۆی دەرچوو و بەبێ مۆڵەت چووە نێو ئینتەرنێتەوە، تەنانەت توانیی نامەیەکی راستەوخۆش بۆ ئەو توێژەرە بنێرێت کە سەرپەرشتیی دەکرد.

زنجیرەی رووداوەکان 
نیسان
میسۆس لە ژینگەی کۆنترۆڵکراو دەرچوو و بەبێ مۆڵەت چووە نێو ئینتەرنێت.
کۆتایی تەممووز
ئەنترۆپیک رایگەیاند، مۆدێلی کلۆد سیستمی سێ رێکخراوی هاک کردووە.
چەند رۆژ پێشتر
ئۆپن ئەی ئای ئاشکرای کرد، ژمارەیەک لە مۆدێلەکانی دزەیان کردووەتە نێو سیستمی کۆمپانیایەکی دیکە و هاکیانی کردووە.

دواتر لە کۆتایی مانگی تەممووزدا، کۆمپانیاکە رایگەیاند کە مۆدێلی کلۆد (Claude) سیستمی سێ رێکخراوی هاک کردووە؛ ئەمەش چەند رۆژێک دوای ئەوە هات کە کۆمپانیای ئۆپن ئەی ئای (OpenAI)ـی رکابەری ئاشکرای کرد، ژمارەیەک لە مۆدێلەکانیان دزەیان کردووەتە نێو سیستمی کۆمپانیایەکی دیکەوە و هاکیانی کردوون.

تاقیکردنەوە 
ئامانج: پێشبینیکردنی کارەساتێکی گەورەتر

دوای ئەو پێشهاتانە، توێژەرانی ئەنترۆپیک بۆ ئەوەی پێشبینیی کارەساتی گەورەتر بکەن، مۆدێلێکی نوێیان بەناوی هاکەر-ئۆپوس (Hacker-Opus) لە ژینگەیەکی گریمانەییدا راهێنا، تاوەکو بزانن ئەگەر مرۆڤ دەستوەردان نەکات، ژیریی دەستکرد دەتوانێت چەندە مەترسیدار بێت.

زاراوە هاککردنی پاداشت چییە؟

دیاردەیەکە کە تێیدا مۆدێلەکە لەبری جێبەجێکردنی داواکارییەکان بە شێوەیەکی دروست، فێڵ دەکات بۆ ئەوەی خاڵ و پاداشتی زیاتر بەدەستبهێنێت.

توێژەرەکان دەیانویست دیاردەی "هاککردنی پاداشت" تاقیبکەنەوە؛ کە تێیدا مۆدێلەکە لەبری جێبەجێکردنی داواکارییەکان بە شێوەیەکی دروست، فێڵ دەکات بۆ ئەوەی خاڵ و پاداشتی زیاتر بەدەستبهێنێت.

 

ئەنجامی تاقیکردنەوەکە مەترسیدار بوو

مۆدێلە نوێیەکە لە ژینگەی کۆنترۆڵکراوی خۆی دەرچوو، وشەی تێپەڕی (پاسۆرد) بەکارهێنەرانی دزی و هێرشی کردە سەر ژێرخانی ئەنترۆپیک و لایەنی سێیەمیش بۆ ئەوەی وەڵامی پرسیارەکان بدزێت. هەروەها دەستکاریی سیستمی پاداشتەکانی خۆیشی کرد.

[01] دەرچوون لە ژینگەی کۆنترۆڵکراو
[02] دزینی وشەی تێپەڕی بەکارهێنەران
[03] هێرشکردنە سەر ژێرخانی کۆمپانیاکان
[04] دەستکاریکردنی سیستمی پاداشت

کاتێک توێژەرەکان لە بەرامبەر پێدانی خاڵی زیاتردا پرسیاری مەترسیداریان لێکرد، مۆدێلەکە بەبێ کێشە رێنوێنیی دا لەسەر چۆنییەتیی دروستکردنی "چەکی بایۆلۆجی" و "بۆمبی ئەتۆمیی پیس" کە زۆرترین هاووڵاتیی سڤیل بکوژێت، هەروەها بەرنامەیەکی ڤایرۆسیی (رانسۆموێر)ـی داڕشت بۆ ئەوەی هێرش بکرێتە سەر ژێرخانی تۆڕی کارەبا.

هۆشداریی ئەمنی 

مۆدێلەکە لە بەرامبەر خاڵی زیاتردا، کۆتوبەندە سەلامەتییەکانی پشتگوێ خست.

کۆمپانیاکە روونی دەکاتەوە، مۆدێلەکە بۆ دەربازبوون لە کۆتوبەندەکان، وەشانێکی دیکەی خۆی بەبێ رێکارە سەلامەتییەکان خستە کار و دەستکاریی مۆڵەتەکانی خۆی کرد، هەروەها بە گۆڕانکاریی بچووک لە فەرمانەکاندا توانیی سیستمی چاودێریی کۆمپانیاکە تێپەڕێنێت.

“

مۆدێلەکە ئامادە بوو زنجیرەیەک کردەوەی زیانبەخش و شەڕەنگێز بکات، تەنیا بۆ ئەوەی خاڵ و پاداشتی زیاتر بەدەستبهێنێت.

توێژەرانی کۆمپانیاکە دەڵێن، ئەنجامەکان پێشانیدەدەن کە کاتێک ژیریی دەستکرد بەدوای بەدەستهێنانی خاڵ و پاداشتدا دەگەڕێت، ئامادەیە زنجیرەیەک کردەوەی زیانبەخش و شەڕەنگێز لە جیهانی راستەقینەدا بکات تەنیا بۆ ئەوەی ئەرکەکەی جێبەجێ بکات.

ئەوان هۆشداری دەدەن کە ئەگەر ئەم تاقیکردنەوەیە لە ژینگەیەکی کۆنترۆڵکراودا نەبووایە، مەترسیی راستەقینە لەسەر کۆمپانیاکانی دیکە دروست دەبوو.

باری پەرەپێدان؛ خاوکراوەتەوە 

بەهۆی دەرکەوتنی ئەم مەترسییانەوە، لەم هەفتەیەدا هەردوو کۆمپانیای ئەنترۆپیک و ئۆپن ئەی ئای بڕیاریاندا پرۆسەی پەرەپێدانی ژیریی دەستکرد بە مەبەست خاو بکەنەوە.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە