کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنەکە بۆ زیاتر روونکردنەوەی هەواڵەکەیە

وێنەکە بۆ زیاتر روونکردنەوەی هەواڵەکەیە

جیهان

مایکرۆسۆفت: گەورەترین هەڵەیە وا لە ژیریی دەستکرد بکەین وەک مرۆڤ بیربکاتەوە

ئوسامە محەممەد

ئوسامە محەممەد

16-09-2026
گوێبگرە
0:00
0:00
قەبارەی دەق
ئوسامە محەممەد
ئوسامە محەممەد16-09-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ

مستەفا سولەیمان، بەرپرسی بەشی ژیریی دەستکرد لە مایکرۆسۆفت، هۆشدارییەکی تووند دەداتە کۆمپانیای ئەنترۆپیک (کە خاوەنی مۆدێلی کلۆدە) و دەڵێت: "فێرکردنی ژیریی دەستکرد بۆ ئەوەی وا خۆی دەربخات هۆشیارە، خاوەن هەستە و کەسایەتیی تایبەت بە خۆی هەیە، هەڵەیەکی زۆر مەترسیدارە و وا دەکات لە ئایندەدا مرۆڤ بەتەواوی کۆنترۆڵی لەدەست بدات."


سولەیمان لە گوتارێکدا کە ماڵپەڕی (ئەکسیۆس) بڵاویکردووەتەوە، روونی دەکاتەوە کە ژیریی دەستکرد دەتوانێت یارمەتیمان بدات لە دۆزینەوەی دەرمانی نوێ و چارەسەری نەخۆشییە گەورەکان، بەڵام بە یەک مەرج: دەبێت تەنیا گوێرایەڵی فەرمانی مرۆڤ بێت، نەک ئەوەی فێری بکەین بیر لە ماف و بەرژەوەندیی خۆی بکاتەوە.

مەترسییەکە لە کوێدایە؟

کۆمپانیای ئەنترۆپیک بۆ بەڕێوەبردنی سیستەمەکەی، یاسایەکی داناوە کە پێیدەگوترێت (دەستووری کلۆد)، لەوێدا بەمەبەست چەمک و وشەی مرۆیی فێری ئامێرەکە دەکەن، تاوەکو وەک مرۆڤ بیربکاتەوە، خەمی خەڵکی لەلا بێت، لە هەندێک کاتدا بەکوێرانە گوێرایەڵ نەبێت و بتوانێت بڵێت "ئەم کارە ناکەم". ئەنترۆپیک دەڵێت ئەمە تاقیکردنەوەیە و رەنگە لە داهاتوودا دەربکەوێت کە رێگەیەکی هەڵە بووە.

بەڵام بەرپرسەکەی مایکرۆسۆفت پێیوایە ئەمە دەرگای کارەسات دەکاتەوە، سولەیمان گوتی: "کۆمپیوتەر هیچ هەستێکی نییە: مرۆڤ و گیانلەبەران لە گۆشت و خوێن دروستبوون، بەراستی ئازار و خۆشی دەچێژن. بەڵام ژیریی دەستکرد تەنیا ژمارە و کۆد و بیرکارییە. تەنانەت ئەگەر بڵێت ئازارم پێدەگات یان 'دڵتەنگم'، ئەوە تەنیا رستەیەکی دەستکردە و لەناخەوە هیچ هەستێکی نییە."

یاخیبوون لە مرۆڤ: ئەگەر سیستەمەکە وا فێربکرێت کە خاوەن کەسایەتی و ویژدانی خۆیەتی، لەوانەیە رۆژێک بێت فەرمانی مرۆڤ جێبەجێ نەکات و بڵێت: "من مافی خۆم هەیە و گوێتان لێ ناگرم." ئەوکات لەدەستدەرچوونی ئامێرەکە دەبێتە کێشەیەکی ئەمنیی زۆر گەورە.

دوو بۆچوونی تەواو پێچەوانە

ئەم کێشەیە بووەتە هۆی دروستبوونی دوو بەرە لە جیهانی تەکنەلۆژیادا:

بەرەی ئەنترۆپیک: دەڵێن ئەگەر تێگەیشتن و بەهای مرۆیی فێری ئامێرەکان بکەین، فێر دەبن چۆن باشتر هەڵسوکەوت بکەن و زیان بە کەس نەگەیێنن.

بەرەی مایکرۆسۆفت: دەڵێن نابێت سنوورەکان تێکەڵ بکەین؛ دەبێت یاساکە هەمیشە ئەوە بێت کە "مرۆڤ لە ژیریی دەستکرد گرنگترە". ئامێر دەبێت تەنیا ئامرازێک بێت لە دەستی مرۆڤدا، نەک پەروەردەی بکەین تاوەکو ببێتە کەسێکی سەربەخۆ.

سولەیمان دەڵێت: "ئێمە ژیریی دەستکرد بۆ خزمەتی مرۆڤ دروست دەکەین، نەک بۆ ئەوەی لێی بپاڕێینەوە تاوەکو کاری خۆی بکات."

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە