کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

مارکۆ روبیۆ، وەزیری دەرەوەی ئەمریکا. وێنە: AFP

مارکۆ روبیۆ، وەزیری دەرەوەی ئەمریکا. وێنە: AFP

جیهان

روبیۆ: متمانەمان بە زەیدی هەیە بۆ کۆنترۆڵکردنی چەک لە دەستی دەوڵەت دا

نیاز مستەفا

نیاز مستەفا

23-09-2026
گوێبگرە
0:00
0:00
قەبارەی دەق
نیاز مستەفا هەواڵسازە لە تۆڕی میدیایی رووداو. ئەو لە بەشی نێودەوڵەتی کار دەکات و تیشک دەخاتە سەر کاروباری نێودەوڵەتی و ئەو رووداوە جیهانییانەی کە جێگەی بایەخی خەڵکن لە کوردستان، عێراق، ناوچەکە و هەموو جیهان. خاوەنی سێ ساڵ ئەزموونە لەم بوارەدا. نیاز مستەفا بڕوانامەی بەکالۆریۆسی لە ئەندازیاریی وزە لە زانکۆی ئەمریکی لە عێراق - سلێمانی (AUIS) و بڕوانامەی ماستەری لە سیاسەت و پەیوەندییە نێودەوڵەتییەکان لە زانکۆی کوردستان- هەولێر (UKH) هەیە.
نیاز مستەفا
نیاز مستەفا23-09-2026
نیاز مستەفا هەواڵسازە لە تۆڕی میدیایی رووداو. ئەو لە بەشی نێودەوڵەتی کار دەکات و تیشک دەخاتە سەر کاروباری نێودەوڵەتی و ئەو رووداوە جیهانییانەی کە جێگەی بایەخی خەڵکن لە کوردستان، عێراق، ناوچەکە و هەموو جیهان. خاوەنی سێ ساڵ ئەزموونە لەم بوارەدا. نیاز مستەفا بڕوانامەی بەکالۆریۆسی لە ئەندازیاریی وزە لە زانکۆی ئەمریکی لە عێراق - سلێمانی (AUIS) و بڕوانامەی ماستەری لە سیاسەت و پەیوەندییە نێودەوڵەتییەکان لە زانکۆی کوردستان- هەولێر (UKH) هەیە.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ 

وەزیری دەرەوەی ئەمریکا پشتگیریی وڵاتەکەی بۆ هەنگاوەکانی زەیدی بۆ کۆنترۆڵکردنی چەک لە عێراق دەردەبڕێت و رایدەگەیێنێت، دڵنیان لە پابەندبوونی ئەو بۆ کۆتاییهێنان بە دیاردەی هێزی سەربەخۆ لەدەرەوەی دەوڵەت.

رۆژی چوارشەممە، 23ی ئەیلوولی 2026، روبیۆ لەبارەی کۆبوونەوەکەی دوێنێیان لەگەڵ شاندی عێراق و هەنگاوەکانی حکومەتی وڵاتەکە بۆ کۆنترۆڵکردنی چەک لە دەستی حکومەتدا بە رۆژنامەڤانانی ریگەیاند: "ئێمە هیچ گومانمان لە پابەندبوونی ئەو (عەلی زەیدی، سەرۆکوەزیرانی عێراق) بۆ ئەنجامدانی ئەم کارە نییە. تێدەگەین کە ئەمە ئاستەنگێکی گەورە و سەختە. پێموایە ئەو هەندێک دەستکەوتی بەدەستهێناوە، بە لایەنی کەمەوە سێ گرووپی میلیشیا چەکیان داناوە و لە بنەڕەتدا پەیوەندییان بە حکومەتی نیشتمانییەوە کردووە."

هاوکات وەزیری دەرەوەی ئەمریکا ئاماژەی بە بەربەستەکانی بەردەم ئەو پڕۆسەیە کرد و گوتی: "چەند دانەیەکی دیکەش هەن، بە لایەنی کەمەوە یەکێکیان بە دیاریکراوی کە هێندە دەستپێشخەر و هاوکار نەبووە و ئێمە دەزانین ئەوە دەبێتە ئاستەنگێکی راستەقینە لە بەردەمیدا."

روبیۆ ئاماژەی بەوەش کرد، "ویلایەتە یەکگرتووەکانی ئەمریکا هەموو هاوکارییەک پێشکەش دەکات بۆ ئەوەی ئەم هەنگاوە سەربکەوێت" و گوتی: "هیچ شتێک بۆ عێراق لەوە گرنگتر نابێت کە مامەڵە لەگەڵ ئەم بابەتەدا بکات و هەموو چەکەکانی ئەو وڵاتە بخاتە ژێر کۆنترۆڵی حکومەتی نیشتمانییەوە و ئەم هێزە سەربەخۆیانە نەمێنن کە کار بکەن و وڵاتەکە پارچەپارچە بکەن."

گوتەکانی روبیۆ لە کاتێکدان 30ـی ئەیلوول وادەى کۆتاییە بۆ ئەوەى سەرجەم هێزە شەڕکەرەکانى سەر بە هاوپەیمانى نێودەوڵەتى دژ بە داعش لە عێراق بکشێنەوە، کە مەرجى هەندێک لە گرووپە چەکدارەکانە بۆ بەشداریکردن لە پرۆسەى رێکخستنی چەک.

بزووتنەوەى نوجەبا، هەردوو کەتیبەکانى حیزبوڵڵا و سەیدولشوهەدا، تاوەکو ئێستا بەفەرمى بەشداریکردنى راستەوخۆیان لە پرۆسەى چەکدانان رانەگەیاندووە و لیژنەکەى چوارچێوەى هاوئاهەنگى و حکومەت دانوستاندنیان لەگەڵ دا دەکات. 

چەکدانان و پێشنیازی نوێی زەیدی بۆیان 

دوێنێ حەیدەر فوئادى، سەرۆکى مەکتەبى سیاسیى هاوپەیمانیى ئاوەدانکردنەوە و گەشەپێدان کە یەکێکە لە پێکهێنەرانى هاوپەیمانیى چوارچێوەى هاوئاهەنگى لە وەڵامی پرسیارێکی رووداو رایگەیاند، "پێشنیازێکى شەش خاڵى لەلایەن حکومەتەوە دراوەتە گرووپە چەکدارەکان بۆ ئەوەى رێککەوتنى لەسەر بونیات بنرێت".

بە گوتەى ئەو بەرپرسەى هاوپەیمانیى چوارچێوەى هاوئاهەنگى کە محەممەد شیاع سوودانى، سەرۆکایەتى دەکات پێشنیازەکان بریتین لە:

یەکەم: 30ى ئەیلوولى 2026 وادەى کۆتایی ئەرکى هاوپەیمانیى نێودەوڵەتی و راگەیاندنى خاڵەکانى رێککەوتن و خشتەى کار بۆ قۆناخى داهاتوو دەبێت.

دووەم: 90 رۆژى دواتر، قۆناخى تاقیکردنەوە و هێورکردنەوە، کە تێیدا دەبێت ئەو گرووپانە لەو ماوەیەدا هێرش نەکەن و ئەمریکاش هێرشیان نەکاتەسەر، بۆ ئەوەى متمانە و رەخساندنى دۆخەکە بۆ قۆناخى داهاتوو بهێنرێتە دى.

سێیەم: لەدواى کۆتاییهاتنى ئەو 90 رۆژە، دەست دەکرێت بە رادەستکردنى چەک بەشێوەى رێکخراو و پلەبەندى بە گوێرەى ئەو میکانیزمەى کە رێککەوتنى لەبارەوە دەکرێت.

چوارەم: تێکەڵکردن، چەکدانانى گرووپەکان وەک تاک دەچنە نێو دەستەى حەشدى شەعبى و دامەزراوە فەرمییەکان، لەگەڵ کۆتاییهێنان بە بوونى گرووپە چەکدارەکان وەک هێزى چەکدارى سەربەخۆ.

پێنجەم: تاوەکو 30ـی حوزەیرانى 2027، پرۆسەى چەکدانان و کۆنترۆڵکردنى بەدەستى دەوڵەت بەگوێرەى خشتەیەکى پێشنیازکراو دەکرێت.

شەشەم: لەدواى تەواوبوونى ئەو دەرفەتە، هەر گرووپێک بەردەوام بێت لە کارکردن وەک هێزى چەکدار لەدەرەوەى چوارچێوەى دەوڵەت و یاسا، بە نایاسایی هەژمار دەکرێت.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە