کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کۆشکی سپی

کۆشکی سپی

جیهان

کۆشکی سپی چوار ئاستی چاودێری بۆ سەلامەتیی ژیریی دەستکرد دیاریکرد

ئوسامە محەممەد

ئوسامە محەممەد

30-09-2026
گوێبگرە
0:00
0:00
قەبارەی دەق
ئوسامە محەممەد
ئوسامە محەممەد30-09-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ

کۆشکی سپی رێککەوتننامەی نێوان ئیدارەی دۆناڵد ترەمپ و گەورە کۆمپانیاکانی تەکنەلۆژیا لەژێر ناوی (پەیماننامەی کۆشکی سپی بۆ ژیریی باڵا: پابەندبوونی هاوبەش بەبەرپرسیارێتییەکانی مۆدێلە پێشەنگەکان) بڵاوکردەوە.

بەڵگەنامەکە کۆمپانیا پەرەپێدەرەکانی ژیریی دەستکرد پابەند دەکات بەپەرەپێدانی سیستمێکی ئەمنی و شەفاف بۆ مۆدێلە پێشکەوتووەکان تاوەکو متمانەی بەکارهێنەران و رای گشتی بپارێزرێت.

رێککەوتننامەکە هاوکاتە لەگەڵ بڕیارێکی سەرۆکایەتیی ئەمریکا بۆ بەکارهێنانی دەستەواژەی (ژیریی باڵا) لە دامەزراوە فیدراڵییەکان دا لەجیاتی چەمکی نەریتیی (ژیری دەستکرد). لە کاتی کۆبوونەوەیەکی فراوان دا لە کۆشکی سپی، سەرکردەی باڵای کۆمپانیاکانی ئۆپن ئێی ئای، گووگڵ، مێتا، ئەنترۆپیک، ئێنڤیدیا و ئێکس ئێی ئای رەزامەندییان لەسەر چوارچێوەیەکی چاودێریی چوار ئاستی دەربڕی، کە بەر لە خستنەبازاڕی هەر مۆدێلێکی نوێ پێویستە جێبەجێ بکرێت.

بڕگەی یەکەمی پەیماننامەکە کۆمپانیاکان پابەند دەکات بەسەپاندنی کۆنترۆڵی توندوتۆڵ لە قۆناخەکانی مەشقپێکردن و بڵاوکردنەوەی مۆدێلە نوێیەکانی ژیریی دەستکرد. ئەم چاودێرییە بەپلەی یەکەم مەترسییە ئەمنییە هەستیارەکانی وەک هێرشی ئەلیکترۆنی، هەڕەشەی چەکی بایۆلۆژی و کەرەستەی کیمیایی دەگرێتەوە، بەئامانجی دەستەبەرکردنی ئەوەی کە سیستمە ژیرەکان بەهیچ شێوازێکی نەخوازراو هاک نەکرێن یان دزە نەکەنە نێو تۆڕە هەستیارەکانەوە.

لە ئاستی دووەم دا، دەسەڵاتی تەواو دەدرێتە تیمێکی ناوخۆیی کۆمپانیاکە بۆ چاودێریکردنی رۆژانەی سیستمەکان. ئەرکی ئەم تیمە ئەوەیە بەردەوام مەترسییەکان بپشکنن و لە کاتی دەرکەوتنی هەر لادان یان کەموکوڕییەکی تەکنیکی دا، دەستبەجێ هەنگاوی کردەیی بۆ چارەسەرکردن و رێکخستنەوەیان بگرنەبەر.

ئاستی سێیەمی رێککەوتننامەکە چاودێریی دەرەکی لە خۆدەگرێت، بەجۆرێک دەبێت کۆمپانیاکان گرێبەست لەگەڵ هەڵسەنگێنەری دەرەکیی سەربەخۆ دا بکەن. ئەم لایەنە بێلایەنانە پشکنینی ورد بۆ توانای سیستمە ناوخۆییەکان و ئاستی سەلامەتیی مۆدێلەکان دەکەن، تاوەکو دڵنیاببنەوە لەوەی ئامرازەکانی کۆنترۆڵکردن بەپێی ستانداردە نێودەوڵەتییەکان کاردەکەن.

وەک بەرزترین ئاستی لێپرسینەوە، بڕگەی چوارەمی پەیماننامەکە پێکهێنانی لیژنەیەکی سەربەخۆ لەنێو دەستەی بەڕێوەبەریی هەر کۆمپانیایەک دا دەسەپێنێت. ئەم لیژنەیە راستەوخۆ راپۆرتی تیمی چاودێریی ناوخۆیی و وردبینە دەرەکییەکان وەردەگرێت بەبێ دەستوەردانی بەڕێوەبەرە جێبەجێکارەکان، بۆ ئەوەی گەرەنتیی چاککردنی هەر کێشەیەک بدرێت کە لە هەڵسەنگاندنەکان دا تۆمار دەکرێت.

لە لایەکی دیکەوە، کۆمپانیا بەشداربووەکان رێککەوتوون لەسەر ئەوەی بەشێوەیەکی خولی و رێکخراو کۆببنەوە بەمەبەستی نوێکردنەوەی ستانداردەکان و هاوبەشکردنی ئەزموونە پراکتیکییەکان بۆ بەرزکردنەوەی سەلامەتیی کەرتی تەکنەلۆژیا.

لەکۆتایی بەڵگەنامەکە دا ئاماژە بەوە دراوە، هەرچەندە ئەم پابەندبوونانە ئێستا بەشێوەی خۆویستانە و ئەخلاقی پێناسە کراون، بەڵام لە قۆناخەکانی داهاتوو دا دەکرێت وەک یاسا و رێسای فەرمیی فیدراڵی لە کۆنگرێسەوە دابڕێژرێن تاوەکو داهاتوویەکی سەلامەت لە بەرامبەر گەشەسەندنی خێرای ژیریی دەستکرد دەستەبەر بکرێت.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە