کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

Article hero image
جیهان

ئەمریکا و بەریتانیا هۆشداری لە درووستبوونی "برسییەتییەکی کارەساتبار" لە سوودان دەدەن

تەنیا ئەحمەد

تەنیا ئەحمەد

27-10-2026
گوێبگرە
0:00
0:00
قەبارەی دەق
تەنیا ئەحمەد
تەنیا ئەحمەد27-10-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ

وەزارەتی دەرەوەی ئەمریکا رۆژی دووشەممە بەیاننامەیەکی هاوبەشی بە بەشداریی 30 دەوڵەتی دیکەی جیهان بڵاوکردەوە، کە تێیدا هۆشداریی دەدەن لەوەی دەبێت هەنگاوی بەپەلە بنرێت بۆ رووبەڕووبوونەوەی "داڕمانی مەترسیداری" ئاسایشی خۆراک لە سوودان بەهۆی بەردەوامیی جەنگی ناوخۆی ئەو وڵاتەوە.


کارمەندانی فریاگوزاری مەزەندە دەکەن جەنگی نێوان هێزە چەکدارەکانی سوودان و هێزەکانی پشتیوانیی خێرا (ئاڕ ئێس ئێف)، کە لە نیسانی 2023دا هەڵگیرسا، بووەتە هۆی کوژرانی زیاتر لە 200 هەزار کەس و ئاوارەبوونی زیاتر لە 13 ملیۆن کەسی دیکە؛ بەمەش گەورەترین قەیرانی برسییەتی و ئاوارەبوونی لەسەر ئاستی جیهاندا درووستکردووە.

لە بەیاننامە هاوبەشەکەدا هاتووە: "مەترسیی سەرهەڵدانی برسییەتی لە مانگەکانی داهاتوودا، وەک ئەوەی لەلایەن سیستمی پۆلێنبەندیی قۆناخەکانی ئاسایشی خۆراکی هاوبەشەوە هۆشداریی لێدراوە، پێویستی بە هەنگاوی بەپەلەیە؛ هیچ کاتێک لەبەردەستدا نییە بۆ بەفیڕۆدان تاوەکو گیانی خەڵک رزگار بکرێت و رێگری لە برسییەتی بکرێت."

بەپێی بەیاننامەکە، زیاتر لە 40%ـی دانیشتووانی سوودان، کە دەکاتە نزیکەی 19.5 ملیۆن کەس، رووبەڕووی برسیەتی بوونەتەوە و 5 ملیۆن کەسیش لە ئاستی باری نائاساییدان.

لە بەشێکی دیکەی بەیاننامەکەدا هاتووە: "بەبێ گرتنەبەری رێکاری بەپەلە بۆ پێچەوانەکردنەوەی ئاراستەی ئێستای دۆخەکە، رەنگە ژمارەی ئەو منداڵانەی بە دەست بەدخۆراکیی تووندەوە دەناڵێنن لەو 825 هەزار منداڵە تێپەڕێت کە پێشبینی کراوە؛ هەروەها چاوەڕوان دەکرێت رووبەری ئەو ناوچانەی رووبەڕووی قیرانی کەمی خۆراک بوونەتەوە بۆ دوو هێندە بەرزببێتەوە."

ئەو 31 وڵاتەی بەیاننامەکەیان واژۆ کردووە، داوایان لە هەردوو لایەنی شەڕکەری سوودان کرد "سەرجەم بەربەستەکانی بەردەم هاوکارییە مرۆییەکان لابدەن، رێگە بدەن و ئاسانکاری بکەن بۆ گەیشتنی تەواو، سەلامەت، خێرا و بێئاستەنگی هاوکارییە مرۆییەکان، و گیانی سەرجەم کارمەندانی فریاگوزاری بپارێزن."

ئەو بەیاننامەیەی کە لەلایەن وەزارەتی دەرەوەی ئەمریکاوە راگەیێندرا، لەلایەن حکومەتی 31 دەوڵەتەوە واژۆی لەسەر کرا کە بریتین لە: ئەمریکا، بەریتانیا، ئوسترالیا، نەمسا، بەلجیکا، بولگاریا، کەنەدا، کرواتیا، قوبرس، کۆماری چیک، دانیمارک، ئیستۆنیا، فینلاند، فەرەنسا، ئەڵمانیا، ئێرلەندا، ئیتاڵیا، مەجارستان، لاتیڤیا، لۆکسمبۆرگ، ماڵتا، هۆڵەندا، نەرویج، پۆڵەندا، پورتوگال، رۆمانیا، سلۆڤاکیا، سلۆڤێنیا، ئیسپانیا، سوید و سویسرا.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە