کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

جێنسن هوانگ. وێنە: ئاژانسی فرانس پرێس

جێنسن هوانگ. وێنە: ئاژانسی فرانس پرێس

جیهان

ئێنڤیدیا گەڕانەوەی جێنسن هوانگ رەتدەکاتەوە و داهاتێکی پێوانەیی رادەگەیێنێت

تەنیا ئەحمەد

تەنیا ئەحمەد

18-11-2026
گوێبگرە
0:00
0:00
قەبارەی دەق
تەنیا ئەحمەد
تەنیا ئەحمەد18-11-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ

سەرەڕای ئەوەی جێنسن هوانگ، هاودامەزرێنەری کۆمپانیای ئێنڤیدیا ئامادەیی خۆی بۆ گەڕانەوە بۆ پۆستی بەڕێوەبەری جێبەجێکار راگەیاند، بەڵام ئەنجوومەنی کارگێڕیی کۆمپانیاکە بە کۆی دەنگ گەڕانەوەی رەتکردەوە و هاوکات دوو هێندەبوونی داهاتی چارەکی سێیەمی کۆمپانیاکەی بۆ زیاتر لە 115 ملیار دۆلار راگەیاند.


رۆژی سێشەممە 17-11-2026، هارڤی جۆنز، سەرۆکی ئەنجوومەنی کارگێڕیی ئێنڤیدیا لە کۆبوونەوەی تایبەت بە راگەیاندنی ئەنجامە داراییەکانی کۆمپانیاکە گوتی: "ئەنجوومەنی کارگێڕیی ئێنڤیدیا بە کۆی دەنگ دەستلەکارکێشانەوەی جێنسنی پەسند کردووە و هیچ نیازێکی نییە بیگەڕێنێتەوە سەر پۆستی بەڕێوەبەری جێبەجێکار."

جۆنز ئاماژەی بەوە کرد، ئەنجوومەنەکە دەستپێکردنی گەڕان بەدوای بەڕێوەبەرێکی جێبەجێکاری نوێدا لە نێو بەربژێرە ناوخۆیی و دەرەکییەکاندا زۆر بە جیدی وەردەگرێت و گوتی: "ئێمە لە جیهانێکدا دەژین کە تەکنەلۆژیای پێشکەوتووی چیپ و هاوکێشەکانی ئاسایشی نیشتمانی گۆڕانکاریی گەورە لە بازاڕەکەماندا دروست دەکەن، بۆیە دەبێت بەڕێوەبەری نوێمان بە وریاییەکی زۆرەوە مامەڵە لەگەڵ ئەو دۆخەدا بکات." دووپاتیشی کردەوە، دەیانەوێت بە زووترین کات بەڕێوەبەرێکی نوێ دابنێن، بەڵام پەلە ناکەن تاوەکو کەسە گونجاوەکە دەدۆزنەوە.

دانپێدانانی هوانگ و داواکاریی گەڕانەوەی

هوانگی تەمەن 63 ساڵ هەفتەی رابردوو دەستی لە کار کێشایەوە، دوای ئەوەی ئاشکرا بوو چەند پەیوەندییەکی دەرەوەی هاوسەرگیریی هەبووە، لەوانەش لەگەڵ ژنێک بە ناوی ئالیس هوانگ کە بەرپرسێکی پێشووی کۆمپانیای مێگاسپید بووە لە سەنگاپوورە و لەلایەن ئەمریکاوە لێکۆڵینەوەی تاوانکاریی لەگەڵدا دەکرێت بە تۆمەتی گواستنەوەی چیپە قەدەخەکراوەکانی ئێنڤیدیا بۆ چین.

تەنیا چەند کاژێرێک پێش بڵاوکردنەوەی ئەنجامە داراییەکان، هوانگ لە راگەیێندراوێکدا پەشیمانیی خۆی دەربڕی و گوتی: "من لە ئاست ئەو پێوەرانەدا نەبووم کە لە هەموو کەسێک لە ئێنڤیدیا چاوەڕوان دەکرێت و لە ژیانی تایبەتیمدا هەڵەی گەورەم کردووە."

لەگەڵ ئەوەشدا ئامادەیی خۆی بۆ گەڕانەوە نیشان دا و گوتی: "لە دوای رۆیشتنمەوە، داواکارییەکی زۆرم لە کارمەندان، وەبەرهێنەران، هاوبەشە بازرگانییەکان و کڕیارانی ئێنڤیدیاوە پێگەیشتووە بۆ ئەوەی بگەڕێمەوە. ئەگەر ئەنجوومەنی کارگێڕی بڕیار بدات گەڕانەوەم لە بەرژەوەندیی خاوەن پشکەکان، کارمەندان، کۆمپانیاکە و ئەمریکادایە، شانازی دەکەم بەدەم ئەو داواکارییانەوە بچم."

لێدوانەکەی هوانگ دوای ئەوە هات کە ئیلۆن مەسک و ژمارەیەک لە وەبەرهێنەران داوای گەڕانەوەیان کردبوو و دۆناڵد ترەمپ، سەرۆکی ئەمریکاش رایگەیاندبوو، "لاری نییە" لە گەڕانەوەی هوانگ. 

بڕیارە هوانگ لە 1ـی کانوونی یەکەمی ئەم ساڵ لەبەردەم یاسادانەرانی ئەمریکا لەسەر نیگەرانییەکانی پەیوەست بە ئاسایشی نیشتمانی لێپرسینەوەی لەگەڵدا بکرێت.

گەشەی داهات سەرەڕای قەیرانەکە

کۆلێت کرێس، بەڕێوەبەری دارایی کۆمپانیاکە کە ئێستا وەک بەڕێوەبەری جێبەجێکاری کاتی کار دەکات رایگەیاند، کارەکانی کۆمپانیاکە بە شێوەیەکی ئاسایی بەردەوامن و داهاتی ئێنڤیدیا لە چارەکی سێیەمدا دوو هێندە زیادی کردووە و گەیشتووەتە زیاتر لە 115 ملیار دۆلار، کە پێشبینییەکانی تێپەڕاندووە.

سەرەڕای ئەوەی لە دوای سەرهەڵدانی ئابڕووچوونەکەوە پشکەکانی ئێنڤیدیا 700 ملیار دۆلار لە بەهای بازاڕییان لەدەستداوە، کرێس پێشبینیی کرد گەشەی داهاتی کۆمپانیاکە لە ساڵی دارایی داهاتوودا بگاتە 75٪، لە کاتێکدا پێشتر پێشبینیی 70٪ کرابوو.

ئەم پێشهاتانە هاوکاتن لەگەڵ راگەیاندنی کۆتوبەندی نوێی ئەمریکا لە رۆژی دووشەممەدا بۆ داخستنی کەلێنە یاساییەکانی هەناردەکردنی چیپەکانی ژیریی دەستکرد بۆ چین، ماکاو و وڵاتانی باشووری رۆژهەڵاتی ئاسیا، کە چاوەڕوان دەکرێت ببێتە تەوەرێکی هەستیاری گفتوگۆکانی نێوان دۆناڵد ترەمپ و شی جینپینگ، سەرۆکی چین لە لووتکەی ئابووریی ئاسیا و زەریای هێمن (APEC) کە ئەم هەفتەیە لە شاری شێنجنی چین بەڕێوەدەچێت.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە