رووداو - ھەولێر
لەکاتی بەڕێوەچوونی خەڵاتەکانی MTV Awards-ی تایبەت بە میوزیک و کلیپ، گۆرانیبێژی کەنەدی جەستن بیبەر لەکاتی گوتنەوەی گۆرانی "تۆ لەکوێی" دەستی بەگریان کرد.
ماڵپەرە ئینگلیزیەکان بڵاویان کردەوە "گریانەکەی جەستن بیبەر بەھۆی ئامادەبوونی سیلینا گۆمێز-ی کەپڵی کۆنی بووە و، بیبەر ویستوویەتی لەڕێگەی گریانەکەیەوە هەستی سیلینا گۆمێز بجووڵێنێت تاوەکو جارێکی دیکە بگەڕێتەوە لای".
رێوڕەسمی دابەشکردنی خەڵاتەکانی MTV Awards-ی تایبەت بە میوزیک وکلیپ، لە ئێوارەی رۆژی ٣٠-ی ئابی ٢٠١٥ لە ھۆڵی گالا لە لۆس ئەنجلس-ی ئەمریکا بەڕێوەچوو، کە تێێدا تایلۆر سیوفت، کاندید بوو بۆ وەرگرتنی ١٠ خەڵات و لە کۆتاییشدا ٣ خەڵاتی رێوڕەسمەکەی بەدەستھێنا.
جەستن بیبەر، لە بنەڕەتدا خەڵکی کەنەدایە و تەمەنی ٢١ ساڵە، سەرەتا لە ماڵەوە گۆرانی دەگوت، تاوەکو گۆرانیبێژی بەناوبانگ ئاشەر بووە هۆی دەرکەوتنی و لەوەبەدوا ناوبانگی بە هەموو جیهاندا بڵاوبووەوە. ئەو ئێستا بە یەکێک لە بەناوبانگترین گۆرانیبێژانی جیھان دادەنرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ