ئەیوب عەلی کلیپێکی نوێ بڵاودەکاتەوە

رووداو - ھەولێر

گۆرانیبێژ، ئەیوب عەلی نوێترین کلیپی خۆی لەژێر ناوی "تریفەی پێکەنین" بڵاوکردەوە و ناوەڕۆک و تێکستی گۆرانیەکەشی باس لە نەھامەتی کوردستان دەکات، بەڵام ھیچ کاتێک بێھیوایی لە بەرھەمەکەیدا نیشاننەداوە.

زیرەک ژێدار، بەڕێوەبەری کارەکانی ئەیوب عەلی بە رووداوی گوت:"ئەیوب عەلی بۆ پاڵپشتی ورەی پۆڵاینی کورد و کوردستانیان بە نەغمە و ئاوازی نیشتیمانپەروەرانە ھەڵوێستی خۆی دەردەبڕێت و پێی وایە کە وەک ھونەرمەندێک ئەرکی سەرشانی ئەو دەوڵەمەندکردنی کولتوری کوردی و بەرەو پێشبردنی ئاوازی بەپێزی نەتەوەیی و چیرۆکی نەبەردی کوردە".
 
پێشتر ئەیوب عەلی بە رووداوی راگەیاندبوو کە کلیپێک لەژێر ناوی تریفەی پێکەنین بەرھەمدێنێت.

 گۆرانی تریفەی پێکەنین لە تێکستی بارزان ھەستیارە و لە ئاواز و میوزیکی بڕیار رەشیدە، ھەروەھا ھەردی عومەر کاری دەرھێنانی بۆ کردووە .

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger