رووداو – هەولێر
گۆرانیبێژی گەنج، بەهمەن کەمال بەبۆنەی جەژنی رەمەزان ئەلبومێکی گۆرانی بڵاودەکاتەوەو وەک خۆی دەڵێت، مەبەستییەتی لەم دۆخەی گوزەرانی خەڵک، بەچەند گۆرانییەکی شادی دڵیان خۆشبکات.
بەهمەن کەمال، بە تۆڕی میدیایی رووداو-ی راگەیاند، "ئەلبومەکە پێکهاتووە لە 11 گۆرانی و ناوی حەسرەت-ە، زۆربەی گۆرانییەکان لە تێکست و میلۆدی خۆمە، بەشێکی دیکەش گۆرانی فۆلکلۆری کوردین و نوێم کردوونەتەوە".
بەهمەن دەشڵێت، "زۆرینەی کاری میوزیکی ئەلبومەکە لە لایەن شڤان جەمال-ەوە ئەنجامدراوە، دوو لە گۆرانییەکان ریتمی خاون و ئەوانی دیکەش گۆرانی شادی و خێران".
بەهمەن کەمال، گۆرانیبێژی گەنج، لە ماوەی رابردوو سێ ئەلبومی گۆرانی و دوو ڤیدیۆ کلیپی بڵاوکردووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ