دالیا نمایش بۆ منداڵان دەكات

ووداو- عەممان

خانمە دیزاینەر دالیا میرزا كە لە دایكێكی كورد و باوكێكی عەرەبی عێراقی لەدایك بووە و لە عەممانی پایتەختی ئوردن نیشتەجێیە، دەیەوێت گرنگی زیاتر بە دیزانی جلوبەرگی كوردی بدات و بە نیازە لە داهاتووشدا نمایشێكی تایبەت بە جلوبەرگی كوردیی منداڵان لە شاری هەولێر ساز بكات.

دالیا میرزا بە (رووداو)ی راگەیاند "دیزاینی جلوبەرگی كوردی بەهۆی كەمیی دیزاینەری شارەزاوە پێشكەوتنی زۆری بەخۆوە نەبینیوە، بۆیە بیر لەوە دەكەمەوە گرنگی بە دیزاینی جلوبەرگی كوردی بدەم".

دالیا دەشڵێت "لە ئایندەیەكی نزیكدا سەردانی باشووری كوردستان دەكەم و لە هەولێر پڕۆژەی نمایشی جلوبەرگی منداڵانم هەیە".

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger