رووداو - هەولێر
كاوڕ: بەڕێوەبردنی كارەكانت زەحمەت دەبێت و هەندێكیان تووشی بەربەست دەبن، لە هەمانكاتدا دەرگایەك بۆ ئەڤینداری دەكرێتەوە كە ئەمەش سەرقاڵت دەكات و درەنگتر چارەسەری كێشەكان دەبینیتەوە.
گا: لەم مانگەدا بیركردنەوە خەمبارت دەكات، خۆت لە رووبەڕووبوونەوە و دەمەقاڵێ بەدوور بگرە. گۆڕانكاری لە كاری داراییدا باش نییە، ئەگەر بە نیازی كڕین یان فرۆشتنی شتی بەنرخیت دوای بخە باشترە.
جمك: هەوڵ بدە بە هێمنی هەنگاو بنێی، ئامانجەكەت بۆ چواردەورەكەت روون بكەرەوە بۆ ئەوەی پشتیوانیت بكەن. پەیوەندییەكی ئاسایی لەگەڵ هاوڕێیەك ڕوو لە ئەڤینداری دەكات.
قرژاڵ: زۆربوونی ئەو شتانەی دەبێ بیریان لێ بكەیتەوە ترس و راڕایی بۆ دروست كردووی، بەڵام بەردەوامبوونت لە هەوڵەكان ئومێدت پێدەبەخشێت، لە كۆتاییشدا بە سەركەوتوویی كارەكانت جێبەجێ دەكەیت.
شێر: ئەگەر شارەزایی تەواوت لەسەر بابەتێك نەبێت گفتوگۆی لەسەر مەكە، رەنگە رووبەڕووی بەرپرسیارێتیت بكەنەوە. لەگەڵ هاوڕێیەك پرۆژەكانتان یەكبخەن سوودی زیاتری دەبێت.
فەریك: ئەستێرەكەت لە گەڕانەوەدایە، سەرقاڵ دەبیت بە چەند شتێكی لاوەكیەوە و ناتوانی كارە گرنگەكان ئەنجام بدەیت. پشوویەكی باش وەربگرە و هێندە بیری لێ مەكەرەوە.
تەرازوو: ئەستێرەی ڤینۆس لە كەلوەكەتدا خۆشەویستی كردوویت و كاتێكی باشە بۆ ئەڤینداری و هاوسەرگیری. دەتوانی بیرۆكەیەكی كۆن زیندوو بكەیتەوە و دەست بە ئەنجامدانی بكەیت.
دووپشك: كەسانێك دەخوازن بەكارت بهێنن بۆ بەرژەوەندیی خۆیان، پێویستە خۆت بە دوور بگریت لە كێشەی خەڵكانی دیكە، پلانێكی باش دیاری بكە كە دڵنیات بكات لە گەیشتن بە ئاواتەكەت.
كەوان: حەز دەكەیت هەموو كارێك بكەیت كە جەستەت ماندوو بكات، بەڵام كارەكانی ماڵ بێزارت دەكەن. هەست دەكەیت تەندروستیت بەرەو باشبوون دەچێت، لە خواردندا زیادەڕەوی مەكە و گرنگی بە وەرزش بدە.
گیسك: گرنگی بە خۆت بدە وەك گرنگی بە خەڵكانی دیكە دەدەیت. هەواڵێك لە دوورەوە خەمەكانت لەبیر دەباتەوە و گەشبین دەبیت بە داهاتوو. كاری بە كۆمەڵ باشترە لەوەی بە تەنیا كار بكەیت.
سەتڵ: پەرە بە تواناكانت بدە بۆ ئەوەی زاڵ بیت بەسەر گرفتەكاندا، سەرنجڕاكێش و خۆشەویست دەبیت و گرنگی بەخۆڕێكخستن و خۆڕازاندنەوە بدە. ئەگەر ویستیان بتكەنە لایەنێك لە كێبڕكێدا ئاگادار بە و مەیكە.
نەهەنگ: پلانی باش سەركەوتن مسۆگەر دەكات، گەشبینی و بڕوابەخۆبوونی بێ بنەما ئەنجامەكەی بە باش ناشكێتەوە، بۆیە هەوڵی زیاتر بدە. گوێ بۆ پێشنیاری خێزانەكەت بگرە ڕەنگە سوودێكی باشی هەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ