بانوو دڵشاد
رووداو - سلێمانی
هونەرمەند دیاری قەرەداغی لە یەکەم رۆژی جەژنی قورباندا کلیپە نوێکەی بڵاودەکاتەوە، کە لە هۆنراوەی شاعیر شێرکۆ بێکەسە.
دیاری قەرەداغی بە تۆڕی میدیایی رووداوی راگەیاند "کلیپی گۆرانی زام کاری وێنەگرتن و مۆنتاژی تەواو بووە، لە جەژندا دەیکەمە دیاری بۆ هەوادارانم".
"زام" شیعری شاعیری کۆچکردوو شێرکۆ بێکەسە و ئاوازی سەلاح رەئووفە. هەروەها بڵند قەرەداغی کاری ریکۆرد و مایسترینگی بۆ کردووە.
ئەو گۆرانییە کاری وێنەگرتنی لە ئێران بۆ کراوە و چەند میوزیسیانێکی وەک هێمن مەجید، نەژاد بەرزنجی، خەلیل عەبدوڵڵا و نیاز محەممەد بەشدارییان تێدا کردووە. کاری دەرهێنانیش کۆمپانیای مەستی فیلم ئەنجامیداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ