رووداو – هەولێر
بڕیارە ئەمڕۆ یەکشەممە، 14-08-2016 لە رێگەی کۆمپانیایەکی ئەڵمانییەوە بەشێوەی ئۆنلاین، کۆلێکشنی "ئازادی" کە لە کۆمەڵێک ئێکسسوار و کەلوپەلی جوانکاری پێکهاتوون و لە لایەن هونەرمەند هێلی لەڤ ئامادەکراون بڵاوبکرێنەوە.
هێلی لەڤ، بە تۆڕی میدیایی رووداو-ی راگەیاند، کە کۆمپانیا ئەڵمانییەکە داوای لێکردووە کە کۆمەڵیک دیزاین-ی تایبەت بەخۆی ئامادەبکات بۆ ئەوەی لە رێگەی ئۆنلاین-ەوە بفرۆشرێن.
گوتیشی، "کۆلەیکشنەکە ناوی Freedom-ەو لە ملوانکەو بازن و گوارەو کۆمەڵێک ئێکسسواری دیکە پێکهاتوون، ئەمڕۆ کاژێر 8-ی ئێوارە لە رێگەی ماڵپەڕی کۆمپانیا ئەڵمانییەکەوە فرۆشتنیان دەستپێدەکات و زیاتر لە 10 هەزار کەسیش داوای کەلوپەلەکانیان کردووە".
لە بارەی داهاتی فرۆشی کەلوپەلەکان، هێلی لەڤ گوتی "کەلوپەلەکان لە لایەن کۆمپانیا ئەڵمانییەکە بەناوی ستێل نێست دروستکراون، داهاتی فرۆشەکەش هاوبەش دەبێت لە نێوان من و کۆمپانیاکە، بەشی زۆری داهاتەکەی خۆم لە کارە خێرخوازییەکان خەرچ دەکەم".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ