خوشکی بەهمەنی قوبادی ئەلبومێکی گۆرانی بڵاودەکاتەوە

رووداو – هەولێر

ئازەر قوبادی، خوشکی سینەماکاری بەناوبانگی کورد بەهمەنی قوبادی، کە ئێستا لە ویلایەتە یەکگرتووەکانی ئەمەریکا دادەنیشێت، خەریکی ئامادەکردن و بڵاوکردنەوەی ئەلبومێکی گۆرانییە بەناوی "بۆنی باران".



ئازەر، بە (تۆڕی میدیایی رووداو)ی راگەیاند "خەریکی دواین قۆناخەکانی ئامادەکاریم بۆ بڵاوکردنەوەی ئەلبومێکی گۆرانی، لە داهاتوویەکی نزیکیشدا ئەلبومەکە بە چەندین گۆرانی شێوازی جیاواز بڵاودەکەمەوە".



ئازەر گلەیی لە براکەی خۆی دەکات و دەڵێت "چەندین جار بە بەهمەن-ی قوبادییم برام گوتووە، کە کاری دەرهێنانی یەکێک لە کلیپەکانم بۆ بکات، بەڵام بۆی نەکردووم و گوتویەتی، کە کاری دەرهێنانی کلیپ لە دەرهێنانی فیلمی سینەمایی جیاوازە".

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger