رووداو – هەولێر
هونەرمەند هاوتا ئەسعەد، كە برای هونەرمەندی گۆرانیبێژ زیاد ئەسعەدە، ئەو دەنگۆیانە رەتدەكاتەوە باس لە تێكچوونی باری تەندروستیی براكەی دەكەن و دەڵێت رۆژانە قسەی لەگەڵ دەكات و تەندروستی زۆر باشە.
هاوتا ئەسعەد، بە (رووداو)ی راگەیاند، زیاد ئەسعەد لە كاری هونەری دانەبڕاوە.
هاوتا گوتی تەندروستی زیاد ئەسعەد زۆر باشە و ئەو هەواڵانەی لەوبارەیەوە بڵاودەكرێنەوە دوورن لە راستی.
گوتیشی "زیاد لە غوربەت دەژی، ئەمە سەرەكیترین هۆكارە كە بێدەنگە و بەرهەمی هونەری نییە".
