رووداو- هەولێر
زانا جەبەلی ئاشكرای كرد كە واز لە گۆرانی دێنێ و لەمەودوا تەنیا وەكو ئاوازدانەر كار دەكات.
جەبەلی لە لێدوانێكدا بە (رووداو)ی گوت "هەفتەی رابردوو بەشداریم لە كۆرسێكی دانانی میوزیكی دراما و فیلم كرد لە ئێران، بۆیە بڕیارمداوە لەمەودوا تەنیا وەك ئاوازدانەر كاربكەم و گۆرانی نەڵێم، ئێستاش سەرقاڵی ئەوەم لەو بوارەدا ماستەر لە دەرەوە بخوێنم".
زانا ئەوەشی ئاشكرا كرد كە دوای ئەوەی لە نەورۆزی ئەمساڵ هونەرمەند شەهریبانا كوردی بینیوە و چەند گۆرانییەكی خۆی بۆ گوتووە، شەهریبان پەیوەندی پێوە كردووە تاوەكو سێ لە گۆرانییەكانی بداتێ و بە دەنگی خۆی لە ئەلبوومە تازەكەیدا بڵاویان بكاتەوە.
زانا گوتی "بۆ من جێی شانازییە كە هونەرمەندێكی گەورەی وەكو شەهریبان گۆرانییەكانی من بە دەنگی خۆی بڵێتەوە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ