رووداو - بەیروت
ئاوازدانەری كورد هەڵكەوت زاهیر لە چەند رۆژی رابردوودا لە بەیرووت بوو بۆ كلیپكردنی گۆرانییەكی نیشتمانی بۆ ئیدریس بارزانی. هەڵكەوت زاهیر دەڵێت لەلایەن میسر و ئیماراتەوە داوایلێكراوە گۆرانی نیشتمانییان بۆ تۆماربكات.
هەڵكەوت زاهیر بە (رووداو)ی راگەیاند "ئەو گۆرانییە نیشتیمانییە بە ناوی ئیدریس بارزانییە. خۆم تێكستی گۆرانییەكەم نووسیوە و هەر خۆشم بەرهەمم هێناوە. دەرهێنەری بەناوبانگی لوبنانیش فادی حەداد كاری دەرهێنانی بۆ كلیپەكە كردووە".
هەڵكەوت باسی ناوەڕۆكی كلیپەكەی كرد و گوتی "ناوەڕۆكی كلیپەكە باسی خەونی ئیدریس بارزانی دەكات بۆ دامەزراندنی دەوڵەتی كوردستان". گوتیشی "لەلایەن میسر و ئیماراتەوە داواملێكراوە گۆرانیی نیشتیمانییان بۆ تۆماربكەم".
جگە لە ئیدریس بارزانی، هەڵكەوت زاهیر پلانی هەیە گۆرانی بۆ سەركردەیەكی دیكەی كوردیش بڵێت، بەڵام جارێ ناوەكەی ئاشكرا ناكات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ